Ye mina ñong abuan ye Examinando las Escrituras diariamente/Examinons les Écritures chaque jour ?

Ye mimboan mi y’a nsisim mienan mi bele faa nlanghan Bible ye fe nlanghan éfus y’a Examinando las Escrituras diariamente/Examinons les Écritures chaque jour ? Nge mina bo ki de, ye mi ne dzeng naa mine koghle mie, mimboan mi y’a nsisim mienan été ? Abuiñ bôt ba lang Examinons ékuna kikiri. Mboan té, wa ve be naa, be fas mesiman meté ngura té môs, éyong ba bo bisèñ bieba. (Jos. 1:8 ; Bya 119:97) Aval avé mi ne tugha ñong abuan ye Examinando las Escrituras diariamente/Examinons les Écritures chaque jour ? Langhe bifus bi ya Bible ye fas é mam ma larane de, ndamben wa ye tugha yem wokh. Tam siman nlang y’a Bible ézing wa ve naa ô tugha wokh tsin atsing ye bifus ô va lang. Éyong té dzeng ane ô ne dzale tsin atsing té éning dwiè. Éyong mia likh naa Bible a name minkighane mi-mam mina ñong, ye likh naa a lere mina zen éning denan, mina ye bele abuan.​—Bya 119:105.

Bebethel be ye si ése ngura ba lang Examinando las Escrituras diariamente/Examinons les écritures chaque jour kikiri ése, kaa naa be ñu kafé. Mimbu mi ndaghe lôr, abuiñ minlang mi y’été mia lôt JW Éwala-Bingengeng nsama bingengeng MEDUME YE MINTUN. Éyong évé ô nga sughlane yen bingengeng bité ? Ngeng ézing é mam ma lôr été, a ne é mam mina yi. Éfônan, aval avé nlang Lot ô ne mina name éyong mina kikh mam ?

DAGHANE ÉNGENGENG MINE TA’A NYEGHE ÉMO (1 JEAN 2:15), YE YALANE MINSILI MIA ZU :

• Za tsin atsing é mbe nlô adzô ayeghe ye kikiri ?

• Aval avé nlang Lot wa lere abé da biane bia éyong bia nyeghe émo y’é mam mèñ ?​—Atar. 13:12 ; 14:12 ; 19:3, 12, 13, 24-26

• Aval avé bia lere naa bia nyeghe Jehôva se ki émo y’é mam mèñ ?