« Wuèghane bivus benzame ô féñ »

Jacob a yem naa Jehôva a yane naa énye ba yiène kang étam, amben a kuane naa a be ki ve atsing da kili n’kanghane biyema. (Akô. 20:3-5) Éde, niène Jehôva a nga dzô nye naa a bulane a Béthel, Jacob a nga dzô môr asese naa be mane wua biyema bieba ô féñ. Jacob émièn é dzi ki belane biyema, da daghe fe ébi be nga belane bie ane melo menvungha me mbe ane mengir. (Atar. 35:1-4) Kaa sôô, Jehovah a mbe éé wokh mimboan Jacob mbeng.

Melu mèè, aval avé bi ne lere Jehôva naa bia kang ve nye ? Bia yiène tare kikh élat sese bi bele ye n’kanghane biyema ye mbia minsinsim. Da daghe fe é biôm bisese bia larane mbia minsinsim, ye daghe bivuiñ biè été, nge bi ne élat ye mbia minsinsim. Ô ne sili wamièn naa : ‘Ye ma nyeghe ma lang mebakh, nge ki a yen bingengeng bia lere bevampiros nge ki bevampire, bekôn, y’é mam ma larane mbia minsinsim ? Ye bivuiñ bizing biam bia lere naa mbôô é se ki mbia dzam ? Bia yiène tebe ôyap y’é mam mese Jehôva a vini.​—Bya 97:10.

DAGHANE ÉNGENGENG « TEBEGHANE DEBELE É NGAM AYAT » YE SILI BEBÉÉ NAA BE YALANE MINSILI MIA ZU MI :

• 

  Za éndaghle n’yeghe Bible ba luè naa Palesa a nga tubane de éning dèñ ?

• 

  Amu dzé é ne mbeng naa bi luè bemvene éyong bia tubane nzukh wa larane mbia minsinsim ?

• 

  Za dzam é bôr ba kômô naa Jehôva a kame be, ba yiène tare mane dzame naa be tobe nkôrane ye mbia minsinsim ?

• Za dzam Palesa a kikh naa a bo nfa té ?

• É vôm mi too, aval avé mi ne saalé mbia minsinsim ?