Kameghe alukh dwiè

Jehôva a yen naa élat ya aluk é ne édedaa éban. A nga dzô naa n’nôm ba ngal ba yiène tobe nsama. (Mat. 19:5, 6) Ékôan Jehôva été, bia yen mbemba bifônan ya é bôr be ne nlughane. Ve, alukh ézing déé se ki kaa nsem. Mintiè mi ne so. Biaa yiène ki bele ôsiman y’émo wa lere naa, n’kanane ya n’vasan ébe be ne ôngenghe éyong minlughane mi-bôt mia tubane minzukh. Aval avé bekristen be ne minlughane be ne kame melukh meba ?

Daghane é mam metan me ne éban ma.

1. Kameghe n’nem wiè, wéé tep é mam mesese me ne ane a vuiñ ya é môr mia nye mii se ki nlughane, wéé tep naa wa yen bivuiñ medzian bingengeng été, amu naa mam meté ma tsam alukh.​—Mat. 5:28 ; 2 Pierre 2:14.

2. Vaane élat denan ye Nzame ngu’u, mii veme nkômane wônan naa mina kômô nye ve n’nem mbeng alukh denan été.​—Bya 97:10.

3. Kenghane ôsu naa mia bele minféfèñ mefulu mii bo ayôm boan be-mam ya mbemba n’nem, naa éning é môr mboo é bo ébubu.​—Becol. 3:8-10, 12-14.

4. Baghlane ngang ézizang denan mii bele mbemba minlang mban.​—Becol. 4:6.

5. Boghane akap ya é môr mboo nfa a ke binong ye avuèñ ya fe édzing.​—1 Becor. 7:3, 4 ; 10:24.

Éyong bekristen ba kang alukh, ba lere naa ba kang Mvele alukh, Jehôva.

DAGHANE ÉNGENGENG BIA YIÈNE « MARE YA ÔDZIBI »​—KANGHANE METSING ME YA MBII, YE YALANE MINSILI MIA ZU MI :

• 

  Mben éyong alukh é va yem sum, za mintiè mi ne so ?

• 

  Aval avé metsin metsing me ya Bible me ne vole é bôr ba simane naa édzing déé se ki alukh deba été ?

• 

  Metsing mevé Jehôva a nga tele akal alukh ?

• Naa alukh é wulu mbeng, za mam é bôr be ne nlughane ba yiène bo ?