Bisesang binen bi ya mbu​—Metam bi ne lere édzing

Amu dzé bia bira dzing é bura bisesang biè ? Ane Israël ya ôkua, bisesang bi ye melu mèè bia ve naa bi kang Jehôva, ye mintet nge ki be toyini bekang befe. Bia buane abuiñ bidzi bi ya nsisim bia lôt fe mbemba metam ya memvuiñ mèè, ya fe menda me-bôt mèè. Dzam té da tsini bia naa bi tobe melu melal ésesang da bem.

Éyong bia kôan nsama, biaa kômô ki simane fave bia bebién, bia kômô fe simane aval bi ne lere é bôr bevoo édzing. (Begal. 6:10 ; Behéb. 10:24, 25) Éyong bia baghle mbèñ ô yoo naa moadzang nge ki kal dzèè é nyî, nge ki a baghle bito se ki akal dèè étam, bia lere naa bia simane é bôr bevoo. (Bephil. 2:3, 4) Bura bisesang bia ve bia mbemba metam bi ne bele minféféñ memvuiñ. Kaa naa ésesang é sum, ya éyong da mam, ya fe éyong bia dzi ôyôm moan dzôm, bia yiène dzeng naa bi yeghe a yem é bôr biaa tugha ki yem. (2 Becor. 6:13) Memvuiñ bi ne bele metam meté me ne bem mbèmbèè ! É dzam da dang, éyong é bôr baa tugha ki bia yem ba yen édzing dèè ya mimboan miè, ngeng ézing, be ne tem naa ba zu sèhane Jehôva.​—Jean 13:35.

DAGHANE ÉNGENGENG « ÉNYEGHE DA YE KI DZANG » ! ÉSESANG DA KÔANE ABUIÑ MESI, YE YALANE MINSILI MIA ZU MI :

• 

  Aval avé bobedzang be nga lere édzing asu minsama mi nga so akal ésesang da kôane abuiñ mesi ye mbu 2019 ?

• 

  Amu dzé bôr ba kam élat ye édzing é ne ézizang ayong Jehôva ?

• 

  Minfa mivé mi ya édzing bekristen bobedzang ye Tsin Ékôan be nga tugha lere ?

• 

  Aval avé édzing é nga wun Alemania ya Korea del Sur nge ki Allemagne ye Corée du Sud ?

• Za dzam bi bele naa bia yiène bo ?