A belan é « das ya nsisim » ô bele

Bia besese bia bira dzing biyong bia lôr ya bobedzang ya bekal baa be ne bekristen bi vahane mengu’u. A vahane mengu’u déé se ki fave naa bia tobe nsama. A tobe nkoghane naa bia wônô mebun é bôr bevoo, a ne é fulu Biblia a luè naa « das ya nsisim » (Bero. 1:11, 12). Aval avé bi ne tugha yem belane das té ?

A ve é bôr bevoo ngu’u ya é mam wa dzô. Éfônan, bi ne ve biyalan biaa bembe ki ébe bia bebién bisulan, ve ébi bia bembe ébe Jehôva, Éfiè dèñ, ya ayong dèñ. Éyong bia kobe ya é bobedzang bevoo, bi ne top naa bia kobe medzô ma long.

A ve é bôr bevoo ngu’u ya minkighane muè ya fe mimboane muè. Éfônan, bôr bézing ba ñong nkighane naa ba tsini naa ba sèñ ane bepwaghe-mefan ngura aval amben ba tubane mindzukh. Éba bevoo ba sukh ésulan ya ézizang sono amben ba sili bo abuiñ é vôm ba sèñ, nge ki faa naa ba koan.

Ye bifiè buè bia ve é bor bevoo mengu’u ? Ye wa tobe évévéñ nfa ye naa ô yebe bedas be ya nsisim bobeñong ya bekal buè ba ve wa ?