Ye bewu ba ye faa wômô môs ézing ?

ÉYALAN KALARE NZAME A VE

Bewu ba ye wômô.—Bisè Mintôl 24:15.

DA YILI YA ÉBE WA.

Da fôlô n’nem éyong ô va dzimlé é môt wa dzing—2 Becorinthien 1:3, 4.

Da kôre bia é wong bi bele akal awu.—Behébreu 2:15.

Da ve bia mebun naa bia ye bera yen é bôt be nga wu bia.—Jean 5:28, 29.

YE BI BELE MEKALGHA MA VE NAA BI YEBE É DZAM BIBLE A DZÔ ?

Ôwé, bi ne tu mam melal :

• Nzame éñe a nga vele éning. Kalare Nzame a yeghle naa, Nzame a ne « tsîn éning. » (Bya 36:9 ; Bisè Mintôl 17:24, 25) É Nzame a nga ve dzôm ése da vebe éning, a bele fe ngu’u ya bera ve é môt a wuang éning.

• Melu ô mvus Nzame a nga wômô bôt. Kalare Nzame a bele minlang mia lere ane be nga wômô bôt muom melu ô mvus : bong, min’nôm, befam ye binenga bese beté be nga wômô naa be zu tobe asi. Bevoo be nga wômô kaa naa be dzep be. Môt mbo ye été, be nga wômô ñe a kuane ave be dzep ñe é ntoo melu menii !—Jean 11:39-44.

• Nzame a ye bera wômô bôt. Jehôva Nzame a vini awu ; é ne ñe nzizing. (1 Becorinthien 15:26) A fep naa a mane ya awu ngalane awômô bewu. A bele naa a wômô é bôt a simane, ndamben a ye yen a ne ba ning mbèmbèè a si.—Job 14:14, 15.