AYEGHLE 2
Nzame a nga vele é fam ôsua ye é minenga ôsua
Jehôva a nga béñ mbemba afup é vôm ba luè naa, Edén. Afup té é mbe ndzalane ya mesam, bilé ye betsit. Éyong té Nzame a nga vele é moan môr ôsua ya metso, ye vumu mimbokh mi djuiñ mièñ été. Ye wa yem é dzam é nga boban ôsu vèè ? Ane fam té é nga bo, é moan môr a ning ! Jehôva a nga kee Adán ayem naa, a baghle afup té, éde fe Nzame a nga dzô ñe naa, a kee betsit besese biyôla.
Jehôva a nga ve Adán ésèñ é ne édedaa éban. A nga dzô Adán naa : “Ô ne dzi bibuma bi ye bilé bisese, ô vaa ve bibuma bi ye ngura aval élé. Nge ô dzi ébuma ye élé té, wa ye wu.”
Ôsu vèè, Jehôva a nga dzô naa : “Ma zu bo mvole akal Adán.” A nga yale Adán ôyô ô ne édoa, éyong té Nzame a nga belan é mvèñ Adán naa a vele ngal. Éyôla dèñ é mbe Eva. Adán ba Eva be nga bo, é nda bôr ôsua. Za dzam Adán a nga wôran éyong a nga yen ngal ? Adán a mbe édedaa mevakh, aval é nga ve naa, a dzô naa : “Daghan é dzôm Jehôva a va bo ya é mvèñ dzam ! Abong di, me mbele é môr a ne ane ma !”
Jehôva a nga dzô Adán ba Eva naa be bele boan ye dzale si. A nga kômô naa be sèñ nsama mevakh été, nfa ye naa be venghane si ése ngura paraíso, nge ki mbemba parque aval ane afup Edén. Ve, mam méé dzi ki boban aval té. Amu dzé ? Bia ye yeghe abuiñ mam mefe ayeghle da zu.
« É môr a nga vele be atarga, a nga vele be fam ye minenga » (Matthieu 19:4).