Bi baghle min’nem mia

1. Bia yiène baghle min’nem miè ;

Bi tupghe zen ye nsem.

Nzam’ a lang n’nem môr ase

Naa’a yem é môr bi ne.

Biyong bizing, n’nem moan môr

Ô ne medukh ye nkoat ;

Ôbinan éwô wa lep wô,

Ye zu wô ébe nkôr‘.

2. Bia yiène songhan min’nem miè ;

Bi yeghlan Jehôva.

Bi vakh ñ’akiba amu’é mam,

A nga bo akal dèè.

Metsing ye fe melepgha mèñ

Bia yiène sakh mese.

É mam mese me ne sôsôe,

Bi wumghe môs ôse.

3. Bia yiène fe kam min‘nem miè ;

Bi yebe ve beb’la.

Mbia mesiman me za bo

Ékop n’nen da pôô bia.

É bôr ba lar angom ye ñe

Nzam’ a ler’ é mvam dzèñ.

Bia ye ñe kang ye n’nem ôse,

Ye ñong biboran bièñ.