Bautismo nge ki Baptem —a ne mbemba nsonghan !

Yésu a nga yeghle naa bekristen ba yiène ñong bautismo nge ki baptem. (A lang Matthieu 28:19, 20.) Ve, dzé é ne baptem nge ki bautismo ? Za dzam môt a yiène bo naa a ñong baptem nge ki bautismo ?

1. Dzé é ne baptem nge ki bautismo ?

Éfiè « baptem nge ki bautismo » da so éfiè Grec nge ki Griego da yili naa « a dum » mendzim été. Éyong Yésu a nga ñong baptem nge ki bautismo, be nga dum ñe ochiñ Jordán été, éde a nga « kuiñ mendzim été. » (Marc 1:9, 10) Aval daa fe éyong beña bekristen ba ñong baptem nge ki bautismo ba dum be ngura nge ki a ñinghle be mendzim été.

2. Bautismo a lere za dzam ?

É môt a ñong baptem nge ki bautismo a lere naa a ve-hang Jehôva Nzame éning dèñ. Aval avé a ve ñe éning dèñ ? Ôsusua kaa naa a ñong baptem nge ki bautismo, a bo meyaghlan étam, éé dzô Jehôva naa a ye sèhane ñe mbèmbèè. Meyaghlane meté été, a bo Jehôva ngiagh naa a ye kang fave ñe ya ve naa nkômane wèñ éwô ô dang éban éning dèñ. A kikh naa « a tep émièn ya [. . .] béé » meyeghle Yésu ya éfônan dèñ mbèmbèè. (Matthieu 16:24) Éyong môt a ve Nzame éning dèñ ya ñong baptem nge ki bautismo, élat dèñ ya Jehôva da bo édedèè ngu’u, a yir fe be-bo bisèñ Jehôva bebéñ.

3. Za dzam môt a yiène bo kaa naa a ñong baptem nge ki bautismo ?

Kaa naa ô ñong baptem nge ki bautismo wa yiène tare yeghe a yem Jehôva ya bele mebun me ne ngu’u ébe ñe. (A lang Behébreu 11:6.) Nté sese n’yemane wiè ya mebun muè ma ye vem, nté sese té, édzing duè akal Jehôva da fe da ye vem. Da ye wô ve naa ô kômô kanghle mbemba fuèñ ya ning wéé kang metsin metsing mèñ. (2 Timothée 4:2 ; 1 Jean 5:3) Éyong môt a ning « aval Jehôva a kômô ya ve ñe n’nem mbeng, » é wôla bo naa môt té, a kômô ve Nzame éning dèñ ya ñong baptem nge ki bautismo.—Becolossien 1:9, 10.a

A TUGHA FAS

4. É dzam bi ne yeghe ya é baptem nge ki bautismo Yésu

A lang Matthieu 3:13-17 naa ô yen aval é baptem nge ki bautismo Yésu é nga boban. Éyong té mia lèè minlang mia daghe minsili mia zu mi :

• Ye Yésu a nga ñong baptem nge ki bautismo éyong a mbe nkenghle moan ?

• Aval avé Yésu a nga ñong baptem nge ki bautismo ? Ye be nga chii ñe ayôm mendzim nlô ayô ?

Niène Yésu a nga ñong baptem nge ki bautismo éde a nga sum ésèñ minkanghle Nzame a nga kee ñe. A lang Luc 3:21-23 ya Jean 6:38, éyong té mia lèè minlang mia daghe nsili wa zu wi :

• Niène Yésu a nga ñong baptem nge ki bautismo, za ésèñ a nga tele ôsu éning dèñ ?

5. Mi ne ñong baptem nge ki bautismo

Ôsusua, ô ne tem naa a ñong baptem nge ki bautismo ya ve Nzame éning duè a ne é mam wéé se ki bo. Ve, wa ye ke wa vem ôtetakh-ôtetakh yakekuiñ éyong wa ye wôrane naa ô ntoo nkoghane naa wa ñong baptem nge ki bautismo. Naa ô yen é dzam bôt b’ézing be nga bo naa be ñong baptem nge ki bautismo, daghane ÉNGENGENG.

ÉNGENGENG : Fortalece tu amistad con Jehová nge ki Comment construire sa relation avec Jéhovah (1:11)

A lang Jean 17:3 ya Jacques 1:5, éyong té mia lèè minlang mia daghe nsili wa zu wi :

• Dzé é ne vole môt naa a tobe nkoghane naa a ñong baptem nge ki bautismo ?

1. Bia ve Jehôva éning dèè éyong bia dzô ñe naa bia kômô sèhane ñe mbèmbèè

2. É baptem nge ki bautismo bia ñong a lere é bôt be ne vèè naa bi ve-hang Nzame éning dèè

6. Baptem nge ki bautismo a yili naa bi ntoo môt ya nda bôt Jehôva

Éyong bia ñong baptem nge ki bautismo bia bo môt ya nda bôt Jehôva é ne élat sise ngura. A ne bo é vôm ase bia so, bia bun mam mevoo ya kang metsing mevoo. A lang Bya 25:14 ya 1 Pierre 2:17, éyong té mia lèè minlang mia daghe nsili wa zu wi :

• Aval avé baptem nge ki bautismo a name élat môt a bele ya Jehôva ya é bôt ba kang Ñe ?

AKHIGE BES

Yésu a nga yeghle naa bekristen ba yiène ñong baptem nge ki bautismo. Naa môt a bo dzam té, a yiène bele mebun me ne ngu’u ébe Jehôva, éé kang metsin metsing Mèñ, ya ve Ñe éning dèñ.

Ôbaghle

• Dzé ne baptem nge ki bautismo ? Amu dzé baptem nge ki bautismo a ne édedèè éban ?

• Za élat é ne ézizang baptem nge ki bautismo ya ve Jehôva éning dèè ?

• Za mam môt a yiène bo naa a ve Nzame éning dèñ ya ñong baptem nge ki bautismo ?

Ô NE FE KE DAGHE

Yeghe é dzam baptem nge ki bautismo a ne, ya é dzam é se ki.

« ¿Qué es el bautismo? » nge ki « Qu’est-ce que le baptême ? » (Nlô-adzô té ô ne a nden)

Yeneghe é mam môt a ne bo naa a vem yakekuiñ a ñong baptem nge ki bautismo.

« El amor y la gratitud a Jehová conducen al bautismo » nge ki « L’amour et la reconnaissance pour Jéhovah mènent au baptême » (La Atalaya, marzo 2020 ; La Tour de Garde, mars 2020)

Yeneghe aval avé mot ézing a nga wokh naa a ñong baptem nge ki bautismo éé se ki é dzam ba ñong a zeze.

« Querían que descubriera la verdad por mí mismo » nge ki « Ils voulaient que je découvre la vérité par moi-même » (La Atalaya, 1 de febrero de 2013 ; La Tour de Garde, 1er février 2013)

Yeneghe amu dzé bautismo a ne édedèè éban ya aval ô ne kômane.

« ¿Debería bautizarme ya? » nge ki « Devrais-je me faire baptiser ? » (Lo que los jóvenes preguntan. Respuestas prácticas, (volumen 2) capitulo 37 nge ki Les jeunes s’interrogent—Réponses pratiques, (volume 2) chapitre 37)