Aval avé é nda-bôt duè é ne tobe mevakh été ? Étun 2

Boan be ne é das da so ébe Jehôva. A yi naa bebyèñ be yem baghle das té. Éde a ve be mbemba melepgha nfa ye naa be yem de bo. Melepgha mèñ ma ve fe naa boan be yem é dzam ba yiène bo naa é nda bôt deba é tobe mevakh été.

1. Za melepgha Nzame a ve bebyèñ ?

Jehôva a yane naa bebyèñ be ñeghe é boan beba ya lôt abuiñ tam ya bo. A kômô fe naa, bebyèñ be kame é boan beba naa mbia dzam é taa be bo, ya belane metsin metsing me ya Bible naa be yeghle bo. (Minkana 1:8) A dzô béésaa naa : « Yeghlane bo [é boan benan] ya [. . .] melepgha Jehôva. » (A lang Beéphésien 6:4.) Jehôva a yen n’nem mbeng éyong bebyèñ ba yale é boan beba béé bèè melepgha mèñ, kaa naa ba kee môt nfe ayem té.

2. Za melepgha Jehôva a ve boan ?

Jehôva a dzô boan naa : « Boghane bebyèñ benan mewokh. » (A lang Becolossien 3:20.) Éyong boan ba wokh ya seme bebyèñ beba, ba ve Jehôva ya bebyèñ beba mevakh. (Minkana 23:22-25) Yésu a nga ve mbemba éfônan éyong a mbe mong. Amben a mbe kaa ékop, a nga bèè ya kang bebyèñ bèñ.—Luc 2:51, 52.

3. Aval avé é nda-bôt duè é ne yit Nzame bebéñ ?

Nge ô bele boan, bebela a ne naa wa kômô naa be ñeghe Jehôva aval wa ñeghe ñe. Aval avé ô ne de bo ? Ô ne de bo éyong wa bo é dzam Bible a dzô di : « Wa yiène yeghle é moan wiè [nkobe Jehôva] ye kobe ya ñe éyong ô ne a nda, ya éyong wa wulu minseng. » (Deutéronome 6:7) A « yeghle » a yili naa wa yiène baalé é moan wiè dzam daa tang abuiñ biyong. Wa yem naa, wa yiène de bo nfa ye naa a taa de vuèn. Éfus té da yili naa, wa yiène dzeng abuiñ biyong ébe môs, nfa ye naa ô kobe é moan wiè é mam Jehôva. É ne mbeng naa nda-bôt ése ngura é ñong tam kada sono naa be yeghe Bible nsama. Nge wéé bele ki boan, a yeghe Bible kada sono da ye wô vole abuiñ.

A TUGHA FAS

4. Yeghlane é boan benan ya édzing

A yeghle boan é ne bo ndzukh. Aval avé Bible a ne mina vole ? A lang Jacques 1:19, 20, éyong té mia lèè minlang mia daghe minsili mia zu mi :

• Aval avé bebyèñ be ne lere é boan beba édzing éyong ba kobe ya bo ?

• Amu dzé bebyèñ baa yiène ki ve é boan beba akira éyong ba wokh abé ?a

5. Kamghan é boan benan

Naa ô kam é boan buè, wa yiène kobe kada môt ye été é mam ma daghe n’kaane binong. É ne été naa, dzam té é ne bo ôsoan. Daghane ÉNGENGENG, éyong té mia lèè minlang mia daghe minsili mia zu mi :

ÉNGENGENG : N’kamghan é boan bèè ya é mam me ne abé (2:58)

• Amu dzé é ne ndzukh ébe bebyèñ b’ézing naa be kobe ya é boan beba é mam ma daghe n’kaane binong ?

• Dzé é nga vole bebyèñ b’ézing naa be kobe é boan beba nlô-adzô té ?

Aval nkulan adzô ô nga dzô de, émo Satan é ne va ke édedèè abé. A lang 2 Timothée 3:1, 13, éyong té mia lèè minlang mia daghe nsili wa zu wi :

• Mbia be-bôt ba kobe bo éfus 13, be ne é bôt ba dzap boan. Ya dzam té, amu dzé dzam té é ne éban naa bebyèñ be yeghle é boan beba nfa nkehane binong, ya naa, aval avé be ne kame bo naa be taa be dzap ?

Ye ô va yem de ?

Nfa ye naa bebyèñ be kame é boan beba, Bengaa Jehôva be nga kulu abuiñ bivol. Naa ô yen mam mevoo me ye été, daghe :

• Kamghan é boan benan (éngengeng)

• Aprendamos del Gran Maestro, capítulos 10 ya 32 nge ki Écoute le grand Enseignant, chapitres 10 ya 32

• « Cómo hablar de sexo con su hijo » nge ki « Parler de sexualité à son enfant » (¡Despertad!, núm. 5 2016 ; Réveillez-vous ! n° 5 2016)

6. Lereghane bebyèñ benan ngang

ÉNGENGENG : Aval avé me ne bo naa me kobe ye bebiéñ bam ? (2:19)

• Amu dzé é ne éban naa bitong bi-bôt bi kobe bebyèñ beba ya ngang ?

• Aval avé étong môt é ne kobe ya bebyèñ bèñ ya ngang ?

A lang Minkana 1:8, éyong té mia lèè minlang mia daghe nsili wa zu wi :

• Aval avé étong môt da yiène ñong mam éyong bebyèñ ba dzô ñe é dzam a yiène bo ?

7. Wumeghane Jehôva é nda-bôt denan été

Menda me-bôt me ne Bengaa Jehôva, ma tobe nsama kada sono naa be yeghe Bible. Ayeghe ya nda-bôt té, da boban aval avé ? Daghane ÉNGENGENG, éyong té mia lèè minlang mia daghe minsili mia zu mi :

ÉNGENGENG : La adoración en familia: los obstáculos y los beneficios nge ki Le culte familial : des défis et des joies (8:04)

• Aval avé nda-bôt é ne bele ayeghe ya nda-bôt éyong ésese ?

• Za dzam bebyèñ be ne bo naa môt asese a buan ayeghe ya nda-bôt ya bele mevakh ?—Daghe é fôrô a ne atarga ye ayeghle di.

• Za dzam é ne bo ndzukh éyong mia yeghe Bible nsama ?

A Israël ye melu mvus, Jehôva a nga yane naa menda me-bôt me kobe é mam ma daghe Nkobe wèñ éyong ésese. A lang Deutéronome 6:6, 7, éyong té mia lèè minlang mia daghe nsili wa zu wi :

• Aval avé ô ne dzale é tsin atsing di ?

Mefakh mi ne belane mo akal ayeghe ya nda-bôt :

• A kôman akal bisulan bi ye ékôan.

• A lang ye lèè minlang mi ya Bible é nda-bôt denan é ne buan de.

• Nge ô bele boan, ô ne limle nge ki a kulu bisèñ akal boan nkoo bisèñ a nden jw.org.

• Nge ô bele bitong bi boan, lèèghe minlang ya bo ya minlô-medzô mi ne akal bitong bi-bôt.

• A bo bivuiñ bia fônane minlang mi ya Bible ya é boan benan.

• A daghe ya lèè minlang mia tsinane bingengeng a nden jw.org.

AKIGHE BES

Jehôva a kômô naa bebyèñ be ñeghe é boan beba, be yeghle bo, ya kame bo ; boan be seme ya bèè bebyèñ beba ; ye naa menda me-bôt be kang Nzame nsama.

Ôbaghle

• Aval avé bebyèñ be ne yeghle ya kame é boan beba ?

• Aval avé boan be ne lere naa ba kang bebyèñ beba ?

• Za abuan nda-bôt é ne ñong éyong ba tobe nsama kada sono naa ba yeghe Bible ?

Ô NE FE KE DAGHE

Za meyeghle ma ye kôman é moan wiè naa a bo ñamôrô ?

« 6 lecciones imprescindibles para sus hijos » nge ki « Six valeurs à transmettre aux enfants » (¡Despertad!, núm. 2 2019 ; Réveillez-vous ! n° 2 2019)

Yeneghe melepgha Bible a ve é bôt ba baghle min’nôm.

« ¿Espera Dios que cuidemos a los padres cuando se hacen mayores? » nge ki « Prendre soin de ses parents âgés : qu’en dit la Bible ? » (Nlô-adzô té ô ne a nden)

Yeneghe aval é fam éé mbe ki é yem aval ba yale boan a nga bo mbemba ésaa.

Ayeghle Jehôva da ve naa bi yem yale é nda-bôr daa (5:58)

Yeneghe aval béésaa be ne wônô élat deba ya é boan beba.

« ¿Qué puede hacer un padre para no distanciarse de su hijo? » nge ki « Comment un père peut-il rester proche de son fils ? » (La Atalaya, 1 de noviembre de 2011 ; La Tour de Garde, 1er novembre 2011)