Asili ñuu

É dzam Pablo nge ki Paul a nga bo

ÉNGENGENG : Pablo a kanghle kéza Agripa

1. Daghe ÉNGENGENG, nge ki a lang Bisè mintôl 26:2, 3. Éyong té wa fas minsili mi :

1. Aval avé Pablo a nga lere asili ñuu éyong a nga kobe ya kéza Agripa ?

2. Aval avé Pablo a nga lere naa é dzam a nga dzô é nga so ébe Jehôva ye a Bible été, se ki ébe ñe ?—A daghe fe Bisè mintôl 26:22.

Za dzam bia yeghe ébe Pablo ?

2. Éyong bia kobe ya asili ñuu ye ngang, é ne ve naa bôt be kômô bia bèè.

Vughe Pablo

3. Kobeghe ya ngang. Éyong wa kobe ya môt, ô taa lere naa wa dang yem a lôt ñe. Kobeghe ñe ya ngang.

4. Tugha ñe lere naa Bible a ne tsin ye bebela wa kap ñe. Bible a bele mesiman ma so ébe Nzame ma name bôt min’nem. Éyong bia belane mo, da ye ve naa mebun meba me bo ngu’u.

5. Tobeghe mvoa. Ô taa dzeng naa wa lere naa ô kale. Biaa kômô ki wôman. Boghe asili ñuu wéé tobe mvoa, ye yem é tam ô ne kikh nlang. (Mink. 17:14 ; Tite 3:2) Nge bia tobe mvoa, tam ézing môt té a ne bèè é fuèñ dèè tam fe.