Ngengèè

É dzam Yésu a nga bo

ÉNGENGENG : Yésu a kanghle Zaqueo nge ki Zachée

1. Daghe ÉNGENGENG, nge ki a lang Luc 19:1-7. Éyong té wa fas minsili mi :

1. Amu dzé abuiñ bôt be nga saale Zaqueo nge ki Zachée ?

2. Ve, dzé é nga likh naa Yésu a kanghle ñe mbemba fuèñ ?

Za dzam bia yeghe ébe Yésu ?

2. Bia yiène bo ngengèè nfa ye naa bi kanghle môt asese mbemba fuèñ ya Édjié.

Vughe Yésu

3. Beleghe mebun ébe Jehôva. Nfufup nsisim Nzame ô nga ve Yésu ngu’u naa a kanghle, ô ne fe wô ve ngu’u. (Mat. 10:19, 20 ; Luc 4:18) Dzaaghe Jehôva ngengèè nfa ye naa ô kanghle é bôt ô ne ko-wong.—Bisè mintôl 4:29.

4. Ô taa sia kikh môt nsang. Aval bia yen môt ô mis, ésèñ a bo, éning a ning nge ki n’yebe wèñ, ô ne likh naa bi taa ñe yir bébéñ. Ve, simghane naa :

1. Jehôva ya Yésu ébe be ne lang bôt min’nem ; se ki bia.

2. Biaa yiène ki tem naa Jehôva éé se ki vole môt ézing.

5. A bo ngengèè, ve, wéé lere ngang ya bo nkee. (Mat. 10:16) Saalé mewôman. Nge wa yen naa môt aa kômô ki yebe mbemba fuèñ, nge ki naa nlang té waa ye ki mane mbeng, ô ne yaane ñe ya ngang.—Mink. 17:14.