Voleghe n’yeghe Bible wiè naa a mare mimbimbia minsama

Naa be bo angom Jehôva, beyeghe Bible ba yiène top mbemba minsama. (Bya 15:1, 4) Mbemba minsama mia ye be ve naa be bo é mam me ne mbeng.—Mink. 13:20 ; lff ayeghle 48.

Éyong mia vole beyeghe Bible benan naa be mare mbimbia minsama, lereghane naa mia wokh be. Be ne yen nzukh naa be dzame mengom be bele émo. Ve lereghane be naa mia bis be éyong miaa bo ki ayeghe Bible. Dzam té da yili naa mi ne be lôm be sms, a luè be nkoo, nge ki a ke be fep menda meba. Nté sese beyeghe Bible benan ba ye ke ba vem a nsisim, luèghane be éyong mia kuan ya é bôt bevoo. Ba ye yen naa be bele abuiñ mengom ndaane éma be va dzimle. (Marc 10:29, 30) Wa fe wa ye bele mevakh éyong wa ye yen é nda-bôt Jehôva déé vem.

DAGHANE ÉNGENGENG VOLEGHAN BEYEGHE BIBLE BENAN NAA BE MARE MIMBIMBIA MINSAMA, ÉYONG TÉ MIA YALANE MINSILI MIA ZU MI :

• Dzé é ne mbimbia nsama ? (1 Becor. 15:33)

• Jade a mbe é tem naa bekristen ba vuiñ yè ?

• Aval avé Neeta a nga vole Jade naa a tsen mbimbia minsama mièñ ?