A NING ANE MOAN KRISTEN

Ye ô ntoo nkôghan éyong ajèñ é ne sia boban ?

Daa bo ki bia éyaghan éyong bia yen naa mam me ye émo di ma ve naa bôt be tobe ajèñ si se ngura. Amu dzé ? Amu naa, bi nga ning-hang melu me ye asughlan ya fe naa Bible a ve bia mbam naa bi taa bele mebun ébe « akum déé se ki éban. » (1 Tim. 6:17 ; 2 Tim. 3:1) Za ayeghle bi ne ñong ébe éfônan kéza Jehosafat éyong a nga yem naa ajèñ é nga zua boban ?

Jehosafat a nga lere mebun ébe Jehôva, éyong a mbe tele mbimbia étèñ. (2 Mila. 20:9-12) A nga bo fe abim mam mézing naa a kôman ayong kaa naa dzam té é boban, ye bera ke a long bekisoan ya mevôm bizima bia tobe. (2 Mila. 17:1, 2, 12, 13) Aval ane Jehosafat, é ne mbeng naa bi bele mebun ébe Jehôva ya bo mam mézing me ne bia vole kaa naa minzukh mi boban.

ZA DZAM BI NE BO NFA YE NAA BI KÔMAN ÉYONG AJÈÑ É NE SIA BOBAN ?

A kômane nfa ya nsisim : Vebeghane naa mia ning ya abim mi bele ya wône mebun menan ébe é ngu’u Jehôva a bele, naa a ye mia ve é mam mia yi kada mos. (Mat. 6:26 ; 1 Tim. 6:8) Ya bele ndzi n’nem naa, biaa ye ki bian metsin metsing me ye Bible amu bia kômô dzale mekômgha mèè. (Bero. 2:21) Fasghan aval mi ne bele bidzi bi ye a nsisim, nge electricidad nge ki électricité, nge ki nden bi sia kighi. Beleghan ayôm mebakh mézing me ne ntsilane, ya naa nge é ne boban mi ne fe tare limle mebakh mézing.

A kôman nfa ye a nson : A saghe memvôla ya fe a saghe naa bia kus é biôm bii se ki bia éban kaa naa ajèñ é boban. (Mink. 22:7) Nge é ne boban, boghane mi ñi bidzi ya é biôm bife bi ne bo mina éban. Bôt b’ézing be ne bo boan mefup nfa ye naa be taa dang dzimlé mono.

DAGHANE ÉNGENGENG Y’Ô NTOO NKOGHANE AKAL BIBUBUA BI-MAM ? ÉYONG TÉ MIA YALANE MINSILI MIA ZU MI :

Abong éngengeng « Y’ô ntoo nkoghane akal bibubua bi-mam ? » Minkaale mia lere Bible, nfakh ya telefono, ya melong workers.

Za mam bia bebién bi ne bo nfa ye naa bi tobe nkôghan éyong bibubua bi-mam bia ye boban ?

Éyalane dué

Abong éngengeng « Y’ô ntoo nkoghane akal bibubua bi-mam ? » Bobedzang ba ke vole é vôm ébubua dzam é va boban ya bo bisèñ melong.

Aval avé bi ne tobe nkôghane naa bi vole é bôt bevoo ?

Éyalane dué