Mimvolane bia ve é bôr bibubua bi mam bia name

Mbu 2020 ô nga yenebane yaa abuiñ bibubua bi mam yaa môra pandémie a name si ése covid-19. Aval avé Bengaa Jehôva be nga kômane naa be ve mimvolane ?

Mbu ésèñ 2020, aBebufekh ba deghe bisèñ e Tsîn ékôan be nga yebe naa be dzimle 28 millions de dollarsb mono ya si América (abong ézing 23 millions d’euros) akal aban mimvolane. Mono té a nga ve naa be vole é bôr bibubua 200 bi nga name. E mam mevoo me be naa pandémie covid-19, abuiñ akôs, Menda me nga nyang Afrique, nzè bidzi e Vénézuéla ye n’kôr nnen e Zimbabwé. Bivevée be nga mane kuan bi nga likh naa be ve é bôr ébubua é nga name bidzi, medzim, bitabga, bitôp yaa mebiang, yaa é mam mevoo me ne ane biôm melong, a baghle ye e kome menda. Taa bifônan bizing ôban mimvolane ô nga bo :

COVID-19. Si ése ngura, pandémie a nga name bobedzang yaa bekal bèè nsôn, nsisim yaa éfa mono. Naa be vole be, be nga tele si ése ngura 800 minsama bebufekh akal mimvolane. Minsama mité mi nga fas é biôm bobedzang be ne byo ashèñ ve lôm kîng avole avole ébe bebufekh ba deghe bisèñ e Tsîn ékôan naa be dziga ñong besôsôe ba yiane.

Mbu te ôse, bebufekh akal mimvolane be nga vole abuiñ bôr naa be bele bidzi, medzim , é biôm bia kome ñu’u yaa mebiang. Memvom mézing, bebufekh beté be nga séñ yaa bemvene be yaa vom té naa be vole bobedzang naa be ñong mimvolane mia soo ébe gôman.

Aban mimvolane daa é nga ñong duma ébé é bôr be mbe ki bengaa . éfônan, Field Simwinga, ndjiè bezima yaa abeng si Nakonde, e Zambie, a nga dzô bobedzang naa : « Akiba akal mimvolane mise mi va ve mbemba éyong menda me bôr me va tôbane minzukh. Bi bele mina abuiñ. »

Nzè bidzi e si Angola. Akal pandémie a Covid-19, meschèñ bidzi bise yaa Angola bi nga seghban, metang ve mane bet. E nga kuiñ nzukh naa abuiñ bobedzang yaa bekal bèè be bera sôm bidzi.

Be nga sili ntem ékôan ya si Brésil naa ô lôm metôm bidzi ébe bobedzang be ne Angola. Naa be yem belane bivevée bité, bobedzang be nga tare ke ba dzeng é vôm metang me ne mbeng e bo naa be sôm ya lôm bidizi. Ane be nga kîkh naa ba sôm bidzi éyong dza. Dzam té é nga ve naa be dzimle fave 22 dollars, bobedzang be nga sôm ye lôm bidzi atôm ése é mbe be kilo 20, é bele ôler, haricot ye mbon ba yam woo. AA zu kuiñ ému, be lômaan metôm 33 544, bidzi bité bise bi ne betonne 654. Bidzi bité , n’fulane ya ébi bobedzang yaa bekal bèè be ya ékôan be nga ve, bi nga likh naa bi ve bôr 50 000 bidzi !

Za dzam bobedzang ya bekal bèè be ya Angola be nga simane akal ôban mimvolane ? Alexandre, aa ning e mane abeng si ya Angola, a dzô naa : « ébe ma, ane ndem yaa naa Jehôva a nyeghe ma ye naa me se étam. Ma yen naa ékôan Jehôva da wokh m’ôlun. » Mariza, a yale boan étam a dzô naa : « Nzame a nga wokh meyeghla mam. Akiba a Jehôva, akiba ébe ékôan dèñ ! »

Nfum ô nga kuiñ a Zimbabwe. Mbu ésèñ ya 2020, môra nfum a nga kuiñ e Zimbabwe, be millions be bôr be nga dzukh ye nzè. Betoyini Bengaa be ya e Zimbabwe kaa fe dzi aval da yiane.

Be nga tele minsama bebufekh mi tan naa be ve bobedzang bidzi, Mintet bekare fuèñ be nga zu zukh ésèñ té , bevoo be nga kôm ye wuè bidzi minfek été. E ba bevoo ki be nga kôle bemetua beba naa be lerane bidzi .c Ngura mbu ésèñ ya 2020, naa be ve bôr a lôr 22 700 bidizi, be nga dzimle 691 561 dollars (abong ézing 570 000 euros) !

Eyong mimvolane mi nga soo, mi nga kuane menda mebôr mézing me mana dzi bidzi be nga baghle. Ede bobedzang be nga ve Jehôva akiba. Bevoo be nga nyè bya.

Abeng si ézing, bekal bèè be bèn be mbe minkus be nga ke wokh minsikot ékôan ézing é nga zu bo akal e zu ve bôr bidzi, ve se gôman é nye a mbe ékôan té. Minsikot mité mi nga vane virbe éfa politique : naa be ñong ngap bidzi, bekal bèè be nga yiane dzale mimboan mizing moan kristen a yiane ki bo. Ane be nga bén. Eyong ba kôre minsikot, bôr be nga pwoghle be béé dzô be naa : « Mine taa veghle zu sili bia bidzi ! » Ve, niane sono é bèn é nga lôr, bobedzang be nga zu ve bekal bèè abuiñ bidzi, kaa naa é bôr be nga zu bo minsikot be soo !

Aban mimvolane mi nga likh fe mbemba éyôla. Efônan ane é dzam Prisca, aa ning e moan nlam a nga yen. Afiang bo minzukh a nga tôbane myo akal nfum, a nga kîkh naa a ke minkangle Mercredi ye Vendredi, too e mbu ébéa. Bôr be ya é dzalé dèn be nga pwoghle nye, béé dzô naa : « Wa yiane dzeng naa ô séñ see ve bo minkanghle, akal wa, é nda bôr dwiè da zu man wu ye nzè ! » Prisca a nga yalane be naa : « Jehôva aa be ki lame bebo bisèñ bèn mos ézing. » A temtem , ôban mimvolane ô nga soo, a ne a nga ñong bidzi bise a nga kômô. E bôr babe be be too bébèn be nga kam dzam té ve dzô ye naa : « Nzame aa dzé ki wo lame. da ve naa bia fe bi dzeng naa bi yem nye. » Bôr zangwale be yaa été ba bèè bisulan bia lôr be radio ému wi.

Nté se bia ye sube bébèn a mane si, nté te fe bia ye tôbane bibubua bi mam.(Matthieu 24:3, 7). Bia ve mina akiba akal bivevée bise mina bo ye anyep e nden donate.jw.org. Bivevée binan bia likh naa bi komane aban mimvolane e mbemba éyong.