AYEGHLE 18

A yem kulu ayeghle

1 Becorinthien 9:19-23

AKIGHE BES : Vakh naa bebèè bwiè be yén naa be va yeghe nféféñ dzam.

Baghle é dzam bebèè be nga yem-hang. Ô ta’a bo ve a baalé é dzam be nga yem-hang, voleghe be naa be yén nlô-adzô té ane nféféñ ayeghle.

Ô ne ke avôl éyong wa kobe mesiman bôr be nga yem-hang, ve éyong wa kulu minféféñ mesiman, kobeghe ôtektek.
A dzeng ye binane. Éyong é ne boban, ô ne belane mesiman abuiñ bôr baa yem ki, nge ki é mam me va lôr melu ma, ane bifônan. A bira fas mebakh wa ye belane me ye yén élar é ne é zang mebakh meté ye mefuéñ wa kômô kar.

Éyong wa fakh mebakh été, ô ne veme ôsiman wiè éyong wa sili wamyéñ minsili ane ‘za dzam, akal dzé, éyong é vé, vôm mbé, é za, ye aval avé’. Vakh naa ayeghle dwiè é bo mbeng, wéé belane ayôm minsili mi ye été ye yalane mie nté ésese wa tebe ntun.
Lereghe naa é fuéñ ô bele é ne éban. Lereghe ane mesiman me ye a Bible me ne vole bebèè melu mese me y’éning dzeba. Kobeghe bitéñ, mefulu ye mimboan mia deghe bebèè bwiè.