AYEGHLE 10

A yem belane king nkobe

Minkana 8:4, 7

AKIGHE BES : A kobe aval é ne ébubu a wokh, ye ve naa bôr be wôrane mam éyong ba bèè ane wa sanghle king nkobe, aval wa kobe ye avôl wa kobe ye de.

AVAL Ô NE DE BO :

A sanghle king nkobe. Bereghe king éyong wa kômô kulu ôsiman wa dang éban ye naa ô ve bebèè ngul y’a bo é dzam wa dzô be. Boghe fe aval daa éyong wa lang minkikhan minsang. Silighe king éyong wa kômô ve naa bôr be kelebe wô biyè, éyong wa lang bifia bia lere wong nge ki ébi bia lere naa nlem ô kele ô yôp.

Ô ta’a dang bo naa wa bere king, bôr be za buini naa wa yaa be. Ô ta’a ve naa bôr be yén wa ane é môr aa vüiñ.
Aval wa kobe. Nge é ne boban nkobe wiè, kobeghe ye ôyôm ayông éyong wa kômô lere nsaza, nge ki éyong wa kômô lere ntéñ ye afôla. Kobeghe ye king éngôngol éyong wa tiê éngôngol dzam nge ki ye king wong éyong wa kobe édi é ne éko-wong.
A sanghle avôl wa kobe ye de. A kobe avôl éyong wa kômô lere ôsesa. Kobeghe ôtektek éyong wa kômô kulu medzô me ne éban.

Ô ta’a sia sanghle avôl wa kobe ye de, akal naa bebèè be za sighan. Ô ta’a kobe édedaa avôl naa bôr be bo keghe fe wokh é dzam wa dzô.