Aval ô ne tugha buane meyeghle me ya Bible meté
A yeghe Bible ya n’yeghle : Silighe ayeghe Bible ébe é môr a va ve wa nso kalare ñi, nge ki a sili do a nden wèè, jw.org.
ÉTUN ÔSUA
Langhe kada abong kaa vuène minsili mi bele nsin nfôô (A) ya bifus bi ya Bible (B) bia ngône nlô-adzô mia yen. Baghle naa bia yiène lang bifus bise bi ne ntsilane naa « a lang ».
ÉTUN BÈÈ
Bifiè bi ne ntsilane (C) é vôm ô ne naa A tugha fas bia ye ngône é dzam bia ye yen. Boan minlô medzô (D) mia ye lere ôsiman bia ye ngône. Langhe bifus bi ya Bible, yalane minsili, ya daghe bingengeng (E).
Tugha daghe befôrô ya meyilgha meba (F), ye simane aval ô ne yalane Nge môr ézing a dzô wô naa (G).
ÉTUN LAL
Akighe bes ye Ôbaghle (H) Ayeghle da man ya akighe bes ye ôbaghle. Tsilighe é môs ô va man ya ayeghle. É vôm ô ne ntsilane naa É dzam wa ye bo (I) da likh naa ô tsili é mam ô bele naa wa ye bo. É vôm ô ne ntsilane naa Ô ne fe ke daghe (J) ô bele mefuèñ nge ki bingengeng bife ô ne lang nge ki a daghe.
Aval ô ne yen bifus bi ya Bible
Bifus bi ne ntsilane aval di abakh ya Bible (A), abong (B), ya éfus nge ki bifus (C). Éfônan, Jean 17:3 ba lang ñe naa Jean, abong 17, éfus 3.