AYEGHLE 2

E kobe ane wa lèè milang

2 Becorinthien 2:17

AKIGHE BES : A kobe ane ô wôle de bo, naa ô kalane mam ane wa wôran me.

A yem kôman ye yeghlan. A yeghlan akal naa ôsiman wiè ô bembe, se ki ébe akeng dwiè, ve ébe é fuéñ ô bele. Bemeghe ôsiman wiè minlô-medzô wa ye wule ye mie. Dzôghe é mam wa siman ye bifia bwiè ; ô ta’a bo va dzô-dzô é dzam é ne ntsilan.

Nge ô bele naa wa ye lang Bible nge ki mebakh mefe, dzenghe naa ô tugha me yem e bo naa éyong wa ye lang ô yem kulu bifia. Nge é dzam wa lang môr nfe énye a nga dzô de, langhe de ye nlem ôse, ve keghe de bo ane bivüiñ.
A kobe ye nlem ôse. A simane akal dzé bebèè be ne ashèñ ye fuéñ té. Bemeghe ôsiman wiè foghe ve ébe be. Édeng, aval wa ye tebe, aval wa ye fonghan ye mvabal-asu dwiè ma ye lere naa wa kobe ye nlem ye añep.

Ô ta’a fulan a tobe wamyéñ ye ôgengena. Baghle é fuéñ dwiè édzidzin wéé belan mbemba bifia ye kang metsing me ye nkobe.
A deghe bebèè bwiè. Deghe asu é bôr wa kobe a be nge é ne boban é si ô too. Éyong wa tebe ntun, deghe kada môr asu biyong bizing, ngaane naa wa deghe nsama nge ki naa wa lôr-lôr ve mis.