AYEGHLE 15

A kobe ye ndzi-nlem

1 Bethessalonicien 1:5

AKIGHE BES : Lereghe naa wa buini foghe-foghe é dzam Bible a dzô ye naa é dzam wa dzô é ne édedaa éban.

A yem kôman. A tare yeghe ye mebakh naa ô tugha wokh aval avé Bible a ne ve naa ô yem takh ngura ôsiman ézing. Boghe naa wa kulu ngura ôsiman ye bifia bi ne ébubu a wokh. A dzeng foghe ve ane bebèè be ne buane wô. Silighe Nzame Nsisim Ékî wéñ.

A baalé ntun wiè ôyap yôp ô too étam naa ô vebane ye ntun, ye naa ô yem wô kulu a bôr été.
A belane bifia bia lere naa ô bele ndzi-nlem. Ô ta’a bo ve a dzô bifia ane bi ne ntsilan abakh été, kobeghe ye bifia bwiè. A belane king nkobe da lere naa wa buini é dzam wa dzô.
A kobe ye nlem naa bôr be wôrane mam. A kobe ôyap yôp. É vôm é ne boban, bebeghe bebèè asu.

Ô ta’a ñong ‘a kobe ye nlem’ ane ‘a kobe keghe fas’, ‘a bo keghe yebe mesiman mefe’ nge ki ‘a kobe ye nkobe élang’. Ntoghane éyong wa kômô naa bebèè be yebe é dzam wa dzô, kobeghe be ye ényeghe.