AYEGHLE 6

A kulu ayeghle da so bifus

Jean 10:33-36

AKIGHE BES : Ô ta’a sughu ve a lang éfus, éyong té ô ke lang éfe. Boghe naa bebèè be yén élar é ne é zang nten ô va lang ye nlô-adzô wa tiê.

Teleghe bifia bia dang éban ôsu. Niane wa mane lang nten, kulughe bifia bi lare ye nlô-adzô wa tiê. Ô ne de bo éyong wa baalé bifia bite nge ki éyong wa sili minsili mia sia duru bebèè ébe bifia bia dang éban.

Nge wa belane bifia bife éyong wa ve éfus té ayili, bebeghe nge bebèè be ngene ba yén élar é ne é zang nten ô va lang ye nlô-adzô wa tiê.
A tugha fit ôsiman. Nge wa nyinghle éfus wéé yem amu dzé wa kômô wô lang, dzôghe aval avé bifia bi ne éfus té été bi lare ye akalgha té.

Nté wa ve éfus ayili, baghle é Bible wiè a yoo. Dzam té da vole bebèè naa be yén élar é ne é zang bifia wa belane bie ye nten ô va lang.
Lereghe ayeghle é ne ébubu a wokh. Ô ta’a kobe é boan be-mam bese be ne éfus té été méé lare ki ya nlô-adzô wa tiê. Wéé simane é mam bebèè be nga yem-hang adzô té, topghe é mam wa ye be dzô naa be biñ ayeghle da ye be bo ébubu a wokh.