Bôr muom be nga tobe nkôran

Noé, é nda-bôr dzèñ, ye betsit be nga ñii a arca été. Jehôva a nga fer mbéñ, éde mveng é nga sum nong. Mveng é nga bira nong, aval é nga ve naa, arca a yeng mendzim ayô. Asughlan, mendzim me nga mane dzèñ si ése ngura. Atan, mbia be-bôr besese be nga mane wu. Ve, Noé ye é nda-bôr dzèñ, baa be mbe nkaman a arca été. Ye ô ne siman abim mevakh be nga wôran amu be nga bo Jehôva mewokh ?

Mveng é nga nong tang môs 40 ye melu 40 kaa sim. Ôtetakh-ôtetakh, ane mendzim me nga ke ma saghban. Asughlan, ane arca a nga ke tebe minkôô ayô. Ve, abong té mendzim me ngen abuiñ vôm asese, éde Noé ye é nda-bôr dzèñ, béé mbe ki kuiñ a arca atan.

Avitsang-avitsang, mendzim me nga ke ma saghban. Noé ye é nda-bôr dzèñ be nga tobe a arca été a lôr ngura mbu. Éyong té Jehôva a nga dzô be naa, be ntoo kuiñ atan, é vôm ô mbe wé fônane nféféñ éning. Be nga bira ve Jehôva akiba, amu naa, a nga kôre be, éde be nga lere ñe de, bé ve ñe évevee.

Jehôva a nga bira dzing évevee té. Éde a nga kiagh naa, aa ye ki vaghle bera tsam si ye Ndôn mendzim môs ézing. Ane ndem ye é ngiagh dèñ, Jehôva a nga ve naa, ntutum ôsua, ô yeneban a dzôp été. Ye ô tareya yen ntutum môs ézing ?

Éde, Jehôva a nga dzô fe Noé ye é nda-bôr dzèñ naa, be byèñ boan ye dzale si.