AYEGHLE 12

Ayông ye nlem mintèñ

1 Bethessalonicien 2:7, 8

AKIGHE BES : Lereghe bebèè naa wa nyeghe be ye naa wa kômô be vole.

A simane bebèè. A kômlan nlem wiè wéé simane minzukh ba tobane mie. Tame veghe naa wa simane é dzam ba wôrane.
A tugha top bifia bwiè. Dzenghe naa ô sili be minlem ô si, naa ô fôlô be ye ve be ngul. Ô ta’a belane aval bifia bizing bi ne ve bebèè ôlun, nge ki a kobe é bôr ba buini ki Jehôva abé, nge éba be bele min’yebe mife.
Lereghe naa wa bis be. Éyong wa kobe ye ényeghe ye fonghan aval da yiane, wa lere bebèè naa wa bis be. A simane mvabal-asu dwiè éyong ésese ; a wüéñ biyong bizing.

Ô ta’a yemle nge ki a nene é mam wa wôrane. Nté wa lang, lereghe awôran é môr a nga tsili a mbe bele, ve ô ta’a ve naa wa be vane deghe. Nge ô dang fit bifia bizing, é ne ve naa nkobe wiè ô vane bo avuéñ nge ki nget, a ndini bifia bizing naa nkobe wiè ô bo ayông.