AYEGHLE 05
Bible a ne é kalare Nzame a lôm bia
Bible a ne é môra das Jehôva a nga ve bia, a bele boan mebakh 66. Ve ô ne sili wamièn naa : ‘Aval avé bi nga bele Bible ? Bible a so ébe za ?’ Naa bi yalane minsili mité, n’targhane yen ane kalare Nzame té a nga zu kuiñ ébe bia.
1. Nge boan be-bôt ébe be nga tsili Bible, amu dzé bia dzô naa a so ébe Nzame ?
Bebéñ bôt 40 ébe be nga tsili Bible. Be nga tsili é moan abakh ôsua y’été é ntoo mimbu 3 500. Ye naa abakh da sughlane été be nga tsili do é ntoo mimbu 1 900, ye naa amben be nga ning abuiñ mevôm, é mam be nga tsili méé nga selane ki. É ne yem a bobane ya ? Amu naa Bible a ne é kalare a so é be Nzame. (A lang 1 Bethessalonicien 2:13.) Betsili Bible béé nga tsili ki mesiman meba. Ve « nsisim Nzame é wô nga tsine boan be-bôt naa be kôbe akal Nzame. »a (2 Pierre 1:21) Nzame a nga belane nsisim wèñ naa a ve boan be-bôt naa be tsili mesiman mèñ.—2 Timothée 3:16.
2. Za a ne bele ye buane Bible ?
Nzame a nga dzô naa : « Bôr be ye mesi mese, meyong mese, minkobe mise ya mèè mese » ba ye buane é mbemba fuèñ da so a Bible été. (A lang Melere 14:6.) Éde aval ane Nzame a nga kiagh do, Bible a ne nkulane ému abuiñ minkobe a lôt bekalare bese bevoo boan be-bôt be nga tsili. Éde da ve naa ému môr ase a ne lang ya a wokh é fuèñ da so a kalare Nzame été. Dzam té é ne été, afang bo é vôm bôr beté ba ning nge ki nkobe ba kobe.
3. Aval avé Nzame a nga kale Bible naa bi bele ñe yakekuiñ ému ?
Be nga tsili Bible ya é biôm bi ne kaa tobe ayap, ane papiros nge ki papyrus. Nfa ye naa bi bele Bible yakekuiñ ému, é bôr be nga dzing Bible be nga bera ñe tsili me vôm mefe abuiñ biyong. Bedjié ya betebe ôsu be ye min’yebe mizing be nga dzeng naa be tsam Bible. Ve, naa Bible a ta’a dzang, bôr bézing be mbe nkoghan naa ba ve bining bieba nfa ye naa be kame ñe. Jehôva éé mbe ki likh naa môr ézing nge ki dzôm ézing é ve naa fuèñ té é ta’a kuiñ ébe bia. Bible a dzô naa : « Nkobe é Nzame wèè, wa ye tobe mbèmbèè. »—Esaïe 40:8.
A TUGHA FAS
Yeneghane aval avé nsisim Nzame ô nga vole bôt naa be tsili Bible, aval avé Nzame a nga kame ñe, ye aval avé a nga ve naa môr asese a bele ya buane ñe.
4. Bible a lere é môr a ne ñe Tsin
Daghane ÉNGENGENG. Ye lang 2 Timothée 3:16, éyong té mia lèè minlang mia daghe nsili wa zu wi.
Nge boan be-bôt ébe be nga tsili Bible, amu dzé ba luè ñe naa nkobe Nzame ?
Ébe wa, ye wa yebe faa naa Nzame éñe a nga ve boan be-bôt mesiman be nga tsili ?
Ntsili bekalare a tsili kalare, ve mesiman a tsili ma so ébe é môr a va luè ñe naa a tsili akal dèñ. Aval té fe, boan be-bôt ébe be nga tsili Bible, ve mesiman be nga tsili, me nga so ébe Nzame
5. Bible a so a ning afang bo naa bôr be nga kômô ñe tsam
Amu naa Bible a so é be Nzame, da yiène faa naa a kame ñe. A téé ye melu ô mvus yakekuiñ ému, é bôr be bele édjié be nga dzeng naa be tsam Bible. Amben be nga tubane bitsible, ya naa be nga kômô be wiñ, abuiñ bôt be nga ve mengu’u naa ba kame Bible amben dzam té é nga sili naa ba wiñ bo. Naa mi tugha bera yem mam mefe ma daghe Nzame, daghane ÉNGENGENG, éyong té mia lèè minlang mia daghe nsili wa zu wi.
Éndagha, éyong ô yemang naa abuiñ bôt be nga ve mengu’u naa ba kame Bible, ye da ve wô nkômane naa ô kômô ñe lang ? Amu dzé ?
A lang Bya 119:97, éyong té mia lèè minlang mia daghe nsili wa zu wi :
Dzé nga tsini abuiñ bôt naa be konghlane, ya kap Bible amben é nga ye ve naa be dzimlé bining bieba ?
6. Abakh é ne akal môr asese
Bible a ne abakh be nga dang konghle ye kap ébe metam mese, a lôt mebakh mese mevoo. A lang Bisè mintôl 10:34, 35, éyong té mia lèè minlang mia daghe minsili mia zu mi :
Amu dzé Nzame a kômô naa é kalare wèñ, éñe be dang konghle ye akap ?
Dzé mina dzing mina yen a Bible été ?
Bebèñ bôt
100%
ye si ése ngura
Be ne lang Bible nkobe ba wokh
Ane fe nkonghlane a lôr
3,000
minkobe
ngura nge ki étun
5,000,000,000
Bebéñ abim be Bible be kuleyang
A lôr bekalare bese bevoo
NGE MÔR ÉZING A DZÔ WÔ NAA : « Bible a ne fave n’nôm abakh boan be-bôt be nga tsili. »
Wa simane ya ?
Za mekalgha ma tugha faa lere naa Bible a ne nkobe Nzame ?
AKIGHE BES
Bible a ne kalare Nzame, ya fe naa a nga ve mengu’u mesese naa boan be-bôt bese be bele ñe.
Ôbaghle
Éyong ba dzô naa Nzame éñe a nga ve bôt nsisim wèñ naa be tsili Bible, dzam té da yili yè ?
Za dzam da name wa ya aval Bible a nga so a ning, abim a ne nkonghlane ye n’kabane ?
Éyong wa yem abim mengu’u Jehôva a nga ve nfa ye naa ô bele kalare Nzame, aval avé dzam té da name wa ?
Ô NE FE KE DAGHE
A lang aval be nga konghlane Bible a téé ye mintsili mi ye ô mvus —yakekuiñ éma bi bele ému
« Comment la Bible nous est parvenue » nge ki « Cómo nos llegó la Biblia » (Réveillez-vous !, novembre 2007 ; ¡Despertad!, noviembre de 2007)
A yeghe aval Bible a nga ning afang bo minzukh milal a nga tubane mio.
« La Bible : histoire d’une rescapée » nge ki « La Biblia. Una historia de supervivencia » (La Tour de Garde n° 4 2016 ; La Atalaya, Núm. 4 2016)
Daghe aval bôr be mbe nkoghane naa ba ve bining bieba akal nkonghlane Bible.
Be nga tsili ya konghlane Bible abuiñ biyong. Amu dzé ô ne tobe mebun naa é fuèñ da so été déé dzi ki tsen ?
« La Bible a-t-elle été modifiée ou falsifiée ? » nge ki « ¿Se ha cambiado o manipulado la Biblia? » (Nlô-adzô té ô ne a nden)
a Aval a ne Ayeghle 07 da ye bi de lere, nsisim Nzame ô ne é ngu’u a belane do nfa ye naa a bo mam.