AYEGHLE 15
Za a ne Yésu ?
Yésu a ne môt mboo ye é môt be nga bira yem nfa nlang ye éning. Afang bo naa abuiñ bôt ba yem éyôla dèñ, ve, baa yem ki abuiñ mam ma daghe ñe, ya naa abuiñ é bele mesiman ma selane nfa aval môt a mbe. Za dzam Bible a dzô nfa Yésu ?
1. Za a ne Yésu ?
Yésu a ne nsisim ô ne ngu’u wa ning a dzôp. Éñe Jehôva a nga tare vele kaa naa a vele é mam mese mevoo. Akal té, éde be nga luè ñe naa « ntôô avele ye mam mese. » (Becolossien 1:15) Bible a luè Yésu naa « akighe moan » Nzame, amu naa éñe étam Jehôva a nga vele kaa naa môt ézing a vole ñe. (Jean 3:16) Yésu a nga vole Ésaa, Jehôva naa a vele é mam mevoo mese. (A lang Minkana 8:30.) Yésu a ngen a buane élat dèñ ya Jehôva. Ya sôsôe, a sèñ ane nkalane medzô nge ki « nkobe » Nzame, éé kalane bôt mefuèñ ya melepgha Mèñ.—Jean 1:14.
2. Amu dzé Yésu a nga so a si va ?
É ntoo bo mimbu 2000, Jehôva ya akengha, a nga belane nsisim wèñ naa a vèè éning Yésu a dzôp naa a furu do abum édun ngoan é mbe éyôla naa Maria. Aval té, éde Yésu a nga byale ane moan môt. (A lang Luc 1:34, 35.) Yésu a nga so a si va naa a zu bo é Messie nge ki Mesías nge ki Christ Nzame a nga kiagh, ya fe kôre boan be-bôt.a Minkulane medzô me ya Bible ma daghe Mesías, me nga dzalban ébe Yésu, ye vole bôt naa be yem ñe ane « Christ, é Moan é Nzame a ne tetèè. »—Matthieu 16:16.
3. Yésu a ne vé éndagha ?
Niène éning ane moan môt dèñ é nga man, a nga wôme ane nsisim éde a nga bulane a dzôp. E wéñ, « Nzame a nga tele ñe étéñ da dang ôyap ôyô. » (Bephilippien 2:9) Éndagha, Yésu a bele môra édjié—éyong bia lang Jehôva émién, é môt a berane ñe a ne Yésu.
A TUGHA FAS
Yeneghe abuiñ mam mefe ma daghe é môt Yésu a ne ya amu dzé é ne édedèè éban naa bi yeghe a yem ñe.
4. Yésu éé se ki é Nzame a ne Mengu’u mese
Bible a yeghle naa, amben Yésu a ne nsisim ô ne ngu’u a dzôp, a bo é Nzame ya Ésaa wèñ Jehôva mewokh. Amu dzé bi ne dzô dzam té ? Daghane ÉNGENGENG naa mi yen é dzam Bible a yeghle nfa étéñ Yésu a bele asu é Nzame a ne Mengu’u mese.
Bifus bia zu bi, bia vole bia naa bi wokh élat é ne ézizang Jehôva ya Yésu. Langhan kada éfus, éyong té mia lèè minlang mia daghe minsili mia zu mi :
A lang Luc 1:30-32.
Aval avé angele a nga lere élat é ne ézizang Yésu ya « Sugha Nzame », Jehôva ?
A lang Matthieu 3:16, 17.
Éyong Yésu a nga ñong bautismo nge ki baptem, za dzam é king é nga so a dzôp é nga dzô ?
Wa tem naa a mbe é king za ?
A lang Jean 14:28.
Ézizang moan ya ésaa, za a dang ñamôrô ya bele abuiñ édjié ?
Za dzam Yésu a nga kômô dzô éyong a nga luè Jehôva naa Ésaa wèñ ?
A lang Jean 12:49.
Ye Yésu a tem naa éñe ya Ésaa be ne môt mboo ? Za dzam wa tem ?
5. Yésu a nga lere naa éñe a ne Mesías
Bible a bele abuiñ minkulane medzô mia likh naa bôt be yem é môt a ne Mesías é môt Nzame a nga top naa a kôre boan be-bôt. Daghane ÉNGENGENG naa mi yen ayôm minkulane medzô me nga dzalban ébe Yésu éyong a mbe a si.
ÉNGENGENG : Jésus accomplit des prophéties nge ki Profecías cumplidas en Jesús (3:03)
A lang minkulane medzô mi, éyong té mia lèè minlang mia daghe minsili mia zu mi :
A lang Michée 5:2 naa mi yem é vôm Yésu a nga yiène byale.b
Ye abyale Yésu é nga dzale nkulane adzô wi ?—Matthieu 2:1.
A lang Bya 34:20 ya Zacharie 12:10 naa ô yen minkulane medzô mife mi nga dzalban ya awu Mesías.
Ye minkulane medzô mi, mi nga dzalban ? —Jean 19:33-37.
Ye wa tem naa Yésu a mbe bo dzam ézing nfa ye naa minkulane medzô mité mi dzalban ?
Za dzam mam meté ma lere wa ébe Yésu ?
6. É ne éban naa bi yeghe a yem Yésu
Bible a lere bia naa é ne éban naa bi yem Yésu ya étéñ dèñ. A lang Jean 14:6 ya 17:3, éyong té mia lèè minlang mia daghe nsili wa zu wi :
Amu dzé é ne éban naa bi yeghe a yem Yésu ?
Yésu a lere zen nfa a bo angom Nzame. Yésu a nga yeghle é bebela a daghe Jehôva, ye naa ngalane ñe, bi ne bele éning é ne mbèmbèè
NGE MÔR ÉZING A DZÔ WÔ NAA : « Bengaa Jehôva baa bunu ki Yésu. »
Wa ye yalane yè ?
AKIGHE BES
Yésu a ne nsisim ô ne ngu’u. A ne é Moan Nzame ya fe Mesías.
Ôbaghle
Amu dzé be nga luè Yésu naa « ntôô avele ye mam mese ? »
Kaa naa a zu a si, Yésu a mbe é bo za dzam ?
Aval avé bia yem naa Yésu a ne Mesías ?
Ô NE FE KE DAGHE
Yeghe abuiñ mam ma daghe étéñ Yésu ane Mesías.
« Les prophéties messianiques prouvent-elles que Jésus était le Messie ? » nge ki « ¿Prueban las profecías de la Biblia que Jesús fue el Mesías? » (Nlô-adzô té ô ne a nden)
Bible aa yeghle ki naa Nzame a mbe Ésaa Yésu aval boan be-bôt be ne bésaa boan.
« Pourquoi Jésus est-il appelé le Fils de Dieu ? » nge ki « ¿Por qué se le llama a Jesús el Hijo de Dios? » (Nlô-adzô té ô ne a nden)
Amu dzé bi ne dzô naa Bible aa yeghle ki naa Nzame a ne bôt belal.
« Jésus est-il Dieu ? » nge ki « Jesús: ¿es Dios? » (La Tour de Garde, 1 avril 2009 ; La Atalaya, 1 de abril de 2009)
Yeneghe aval éning minenga ézing é nga sanghle éyong a nga lang é dzam Bible a dzô nfa Yésu.
« Une femme juive explique pourquoi elle a remis sa foi en question » nge ki « Una judía explica por qué se replanteó sus creencias » (Réveillez-vous !, mai 2013 ; ¡Despertad!, mayo de 2013)
a Meyeghle 26 ya 27 ma ye lere amu dzé boan be-bôt be nga yi naa be kôre bo, ya aval Yésu a kôre bia.