Ye Bengaa Jehôva be ne beña bekristen ?

Bia Bengaa Jehôva, bia bune ye n’nem ôse naa bi ne beña bekristen. Amu dzé ? Bia bune de akal mam melal : é mam bia bune me tsii a Bible été, éyôla bi baghe da selan ya é bôt bevoo ya fe édzing bia lerane bevoo ya éba bevoo.

1. Dzé é ne tsîn ya é mam Bengaa Jehôva ba bune ?

Yésu a nga dzô naa : « Nkobe wiè [Nzame] ô ne bebela. » (Jean 17:17) Ane Yésu, é mam Bengaa Jehôva ba bune me ne tsîn a Bible été. N’yeneghan nlang wèè ye melu mèè. Bebéñ mbu 1870, moan nsama beyeghe Bible be nga sum naa ba tugha fakh é dzam é ne a Bible été. Mbunane wôba ô mbe tsîn a Bible été, se ki ébe é mam min’yebe mi mbe mi yeghle melu meté. A ne be nga sum naa ba kanghle é bôt bevoo be bebela be ya Bible.a

2. Amu dzé bi nga ñong éyôla Bengaa Jehôva ?

Jehôva a luè be-bo bisèñ bèñ naa Bengaa bèñ, amu naa ba ve naa bôt be yem be bebela ba daghe ñe. (Behébreu 11:4–12:1) Éfônan, melu ô mvus, Nzame a nga dzô ayong dèñ naa : « Mi ne Bengaa bam. » (A lang Esaïe 43:10.) Ba luè fe Yésu naa : « É ngañiè a ne sôsôe. » (Melere 1:5) Éde, mbu 1931 bi nga ñong éyôla Bengaa Jehôva. Bi ne mevakh naa bi baghe éyôla té.

3. Aval avé Bengaa Jehôva ba vu édzing Yésu ?

Yésu a mbe é ñong beyeghe bèñ ane é nda-bôt dzèñ akal a mbe é bira be dzing. (A lang Marc 3:35.) Aval dèè fe, Bengaa Jehôva be ne nda-bôt é ne élat, afang bo naa ba so mesi mesese. Akal té éde bia luène naa bobeñang ye bekaa. (Philémon 1, 2) Bia bo fe mewokh ébe atsing di : « Dzinghane nsama bobedzang ôse. » (1 Pierre 2:17) Bengaa Jehôva ba lere édzing té abuiñ meval, ane a vole é bobedzang ya bekaa beba ba yi avol, kaa bis é si be too.

A TUGHA FAS

4. Mebun mèè me bele tsîn a Bible été

Jehôva a nga dzô naa bôt ba ye tugha wokh be bebela be ya Bible. A lang Daniel 12:4 ye atoan é ne asi, ye lèè minlang mia daghe nsili wa zu wi :

• Dzé da ye « bo abuiñ » nté sese be-bo bisèñ Nzame ba ye ke ba yeghe Bible ?

N’yeneghan aval moan nsama beyeghe Bible, a lang été Charles Russell, be nga yeghe nkobe Nzame. Daghane ÉNGENGENG, éyong té mia lèè minlang mia daghe nsili wa zu wi :

ÉNGENGENG : Se desentierra la verdad de la Biblia nge ki Ils redécouvrent les vérités bibliques (7:45)

• Nsama Charles Russell ô mbe wé belane za fakh naa be yeghe Bible ?

Ye ô va yem de ?

Biyong bizing, bi nga ke bia tsen mam m’ézing nfa é mam bia bune. Amu dzé ? Aval ane nlô-dzôp wa kuiñ ôtetakh-ôtetakh naa ô ke wa lere mbemba be-mam me ye avele, aval dèè fe Nzame a nga ve naa be wokh nkobe wèñ ôtetakh-ôtetakh. (A lang Minkana 4:18.) Éde, amben Bible aa tsen ki, nté sese n’yemane wèè wa ke wa vem, bia ke bia songhane é mam bia bune.

5. Bia bo mam aval éyôla dèè da sili de

ÉNGENGENG : Un nombre que nos identifica nge ki Un nom qui nous définit (2:40)

• Amu dzé éyôla Bengaa Jehôva da yiène ?

Amu dzé Jehôva a nga top boan be-bôt naa be bo bengaa bèñ ? Amu be nga ye lere naa éñe a ne ña Nzame, ye kulane minèè mia daghe ñe. N’yeneghan minèè mibèñ mi ye été.

Min’yebe mia yeghle naa Nzame a kômô naa bekang ñe béé belane biôm, ane biyema nge ki bivaghle. A lang Lévitique 26:1, éyong té mia lèè minlang mia daghe minsili mia zu mi :

• Za bebela a daghe é biôm ba belane bio ékang été ? Za dzam Jehôva a wôrane nfa biyema ?

Min’yebe mia yeghle naa Yésu a ne Nzame. A lang Jean 20:17, éyong té mia lèè minlang mia daghe minsili mia zu mi :

• Bebela a ne yè nfa Nzame ya Yésu ? Ye be ne môt mboo ?

• Za dzam wa wôran éyong wa yem naa Jehôva a nga lôm Bengaa bèñ naa be ke ba kanghle be bebela ba daghe éñe ya é Moan wèñ ?

6. Bia dzinghane bevoo ya éba bevoo

Bible a lere naa, bekristen be ne ane bikila bi ye ñuu moan môt. A lang 1 Becorinthien 12:25, 26, éyong té mia lèè minlang mia daghe minsili mia zu mi :

• Za dzam beña bekristen ba wôran éyong ba yen ane é kristen mboo a dzukh ?

• Ya é mam ô yenang, aval avé Bengaa Jehôva ba lerane édzing bevoo ya éba bevoo ?

Éyong Bengaa Jehôva ba tubane minzukh si ézing, Bengaa bevoo be ye si ése ngura ba dzigha be zu vole. Naa ô yen éfônan dèè ye été, daghane ÉNGENGENG. Éyong té mia lèè minlang mia daghe nsili wa zu wi :

ÉNGENGENG : Haití hace frente al huracán Matthew nge ki L’ouragan Matthew frappe Haïti (5:29)

• Aval avé ésèñ avol Bengaa Jehôva da lere édzing deba ?

AKIGHE BES

Bengaa Jehôva be ne beña bekristen. Bi ne nda-bôt dzèè afang bo naa bia so mesi mese, mebun mèè me tsii a Bible été ye fe naa bia ve naa bôt be yem be bebela ba daghe Jehôva.

Ôbaghle

• Amu dzé bi nga ñong éyôla Bengaa Jehôva ?

• Aval avé bia ñonghane bevoo ya éba bevoo ?

• Ye wa bune naa Bengaa Jehôva be ne beña bekristen ?

Ô NE FE KE DAGHE

Éngengeng da lere nlang Bengaa Jehôva.

Los testigos de Jehová: una historia de fe viva. Parte 1: Salen de la oscuridad nge ki Les Témoins de Jéhovah. La foi en action, 1re partie : La sortie des ténèbres (1:00:53)

Yeneghe éfônane dèè ye aval Bengaa Jehôva be nga kulane bivus meyeghle.

El pueblo de Dios glorifica su nombre nge ki Le peuple qui glorifie le nom de Dieu (7:08)

Biyalane bi ye minsili tam ézing wa sili mia daghe Bengaa Jehôva.

« Preguntas frecuentes sobre los testigos de Jehová » nge ki « Questions fréquentes sur les Témoins de Jéhovah » (Nlô-adzô té ô ne a nden)

Akal a mbe bele zing a n’nem, Stephen a nga bo abuiñ mbimbia be-mam. É dzam a nga yen ébe Bengaa Jehôva é nga tsini ñe naa a tsen éning dèñ.

« Mi vida iba de mal en peor » nge ki « Ma vie allait de plus en plus mal » (La Tour de Garde, 1er juillet 2015 ; La Atalaya, 1 de julio 2015)