AYEGHLE 38
Bia yiène ve akiba akal das ye éning
Éning é ne ndzalane ya abuiñ mbemba be-mam. Amben bia tubane minzukh, bi ne buane abuiñ mbemba be-mam mefe me ye éning. Aval avé bi ne lere naa bia dzing das ye éning ? Za ayilgha da dang éban da yiène ve naa bi bo do ?
1. Amu dzé bia yiène dzing éning ?
Bia yiène dzing éning amu a ne é das da so ébe Ésaa wèè, Jehôva. A ne « tsîn ye éning », amu éñe a nga vele bining bisese. (Bya 36:9) « Éñe a ve môt asese éning, mvebe ya mam mesese. » (Bisè mintôl 17:25, 28) Jehôva a ve bia é mam mesese bia yi naa bi ning. Ve aa sughu ki vèè, a kômô fe naa bi buane éning ya mevakh.—A lang Bisè mintôl 14:17.
2. Aval avé bi ne lere Jehôva naa bia dzing das ye éning ?
Até ye éyong ô mbe abum été, Jehôva a nga sum naa a bis wa. Ya avole nsisim Nzame, David mbo ésèñ Nzame, a nga tsili naa : « É mis muè me nga yen ma me too éke mekî. » (Bya 139:16) Éning duè é ne édedèè éban é mis Jehôva. (A lang Matthieu 10:29-31.) Da ye ñe bo édedèè n’nem mintèñ nge môt a vang wiñ é môt mboo nge ki émièn.a (Akôre 20:13) É ne fe ve Jehôva n’nem abé nge bia vang bo é dzam é ne ve naa bi dzukh nge ki naa bi wu, ya fe éyong biaa bo ki é mam ma yiène naa bi kame éning é bôt bevoo. Éyong bia kale bia bebièn ya kang éning é bôt bevoo, bia lere naa bia dzing mbemba das ye éning Jehôva a nga ve bia.
A TUGHA FAS
Yeneghe meval m’ézing ô ne lere naa wa dzing das ye éning.
3. Kalghe é ñuu duè
Amu bekristen be nga kiagh Jehôva naa ba ye sèhane ñe éyong ése aval a kômô, éde ba belane minfa mise mi ye bining bieba naa be bo do. É ne ane ba ve Nzame meñu meba ane atunegha. A lang Beromain 12:1, 2, éyong té mia lèè minlang mia daghe minsili mia zu mi :
Dzé da yiène wô tsini naa ô kale é ñuu duè ?
Meval mevé ô ne de bo ?
4. Boghane nkee ébe é mam mesese mia bo nfa ye naa môt a taa dzukh nge ki a wu
Bible a lep bia naa bi saale é mam mesese me ne bia ve naa bi dzukh. Daghane ÉNGENGENG naa ô yen é mam m’ézing ô ne bo naa ô kale éning duè.
A lang Minkana 22:3, éyong té mia lèè minlang naa mi yen aval ô ne lere naa wa kame éning . . .
éyong ô ne a nda.
éyong ô ne ésèñ.
éyong wa bo bivuiñ.
éyong wa dure metua nge ki naa ô too metua môt nfe a dure.
5. A kang éning é moan a ngen abum été
David a nga lere naa Jehôva a bis é dzam ésese da lôrane moan éyong a ngen abum ñiè été. A lang Bya 139:13-17, éyong té mia lèè minlang mia daghe nsili wa zu wi :
Ébe Jehôva éning moan môt da sum ôden, ye éyong a ngen éke mekî nge ki éyong a byale-yang ?
Atsing Jehôva a nga ve ayong Israel é nga kame beñiè ya é boan be ngen abum été. A lang Akôre 21:22, 23, éyong té mia lèè minlang mia daghe minsili mia zu mi :
Aval avé Jehôva a mbe é yen é môt a nga ve naa é moan a ne abum été a wu kaa naa a va vang do ?
Wa tem naa Jehôva a ne wôrane yè nge môt a vang naa a bo do ?b
Ébe wa, wa ñong naa n’yenane mam Nzame té ô ne yè ?
Amben é minenga a yem éban éning é bele, a ne tem naa a kulu abum atan a ne é sugha dzam a ne bo. A lang Esaïe 41:10, éyong té mia lèè minlang mia daghe minsili mia zu mi :
Nge ba yemle minenga ézing naa a kulu abum atan a yiène dzeng avole ébe za ? Amu dzé ?
NGE MÔR ÉZING A DZÔ WÔ NAA : « Minenga émièn éñe a yiène top nge a ye kulu abum atan—amu naa a ne é ñuu dzèñ. »
Dzé da lere wô naa Jehôva a bis éning ñiè ya éning é moan a ngen abum été ?
AKIGHE BES
Bible a yeghle bia naa bi dzing, bi kang ya kame éning Jehôva a nga ve bia das. Dzam té da daghe éning dèè ya édi é bôt bevoo.
Ôbaghle
Amu dzé éning moan môt é ne édedèè éban asu Jehôva ?
Za dzam Jehôva a wôran éyong môt a vang naa a wiñ é môt mboo ?
Za dzam wa dang dzing ébe é das éning Nzame a nga ve bia ?
Ô NE FE KE DAGHE
Aval avé bi ne ve Jehôva akiba akal das ye éning ?
Cantemos juntos: 141 El maravilloso regalo de la vida nge ki Chante avec nous : 141 Le miracle de la vie (2:41)
Yeneghe éyalan ye nsili wi, ye Nzame a ye dzame é minenga a nga kulu abum atan melu ô mvus ?
« ¿Qué dice la Biblia sobre el aborto? » nge ki « L’avortement : qu’en dit la Bible ? » (Nlô-adzô té ô ne a nden)
Aval Nzame a yen éning da yiène name meval bivuiñ bia top.
« “Sports de l’extrême” : doit- on faire abstraction des risques ? » nge ki « ¿Se justifica la participación en los deportes de riesgo? » (Révelle-vous !, 8 octobre 2000 ; ¡Despertad!, 8 de octubre de 2000)
Yeneghe melepgha me ya Bible me ne vole é môt a bele mesiman naa a kômô wiñ émièn.
« ¿Puede ayudarme la Biblia si ya no quiero vivir y he pensado en suicidarme? » nge ki « Je veux mourir—Est-ce que la Bible peut m’aider si j’ai des idées suicidaires ? » (Nlô-adzô té ô ne a nden)
a Jehôva a bira bis é bôt be bele min’nem mia dzukh. (Bya 34:18) Jehôva a wokh mintèñ nge mesimane moan môt a wôrane me ne ñe tsini naa a kômô vèè éning dèñ, ya fe naa a kômô ñe vole. Naa ô yen aval avé avole dèñ é ne bia bo éban, langhe « ¿Puede ayudarme la Biblia si ya no quiero vivir y he pensado en suicidarme? » nge ki « Je veux mourir—Est-ce que la Bible peut m’aider si j’ai des idées suicidaires ? » é ne éfaalé Ô ne fe ke daghe ye ayeghle di.
b É bôt be nga kulu mebum atan baa yiène ki tsini naa ba ve bebièn bidzô a too naa—Jehôva a dzame-yang bo. Nge wa kômô yem abuiñ mam mefe nfa té, daghe nlô-adzô wa dzô naa « L’avortement : qu’en dit la Bible ? » nge ki « ¿Qué dice la Biblia sobre el aborto? » bia yen étun Ô ne fe ke daghe ye ayeghle di.