Aval Nzame a yen mekî

Mekî me ne édedèè éban. Môt ézing y’ébe bia éé se ki ning nge éé bele ki mekî. Akal éñe a nga vele bia, Nzame éñe a yiène kikh aval bia yiène belane mekî. Éde za dzam a dzô nfa mekî ? Ye bi ne dzi mekî nge ki a ñong mekî ? Ya naa, za dzam é ne wô vole naa ô ñong mbemba minkighane nfa dzam mekî ?

1. Aval avé Jehôva a yen mekî ?

Jehôva a nga dzô be-bo bisèñ bèñ be ye metam ô mvus naa : « Bining bisese bi tsii mekî. » (Lévitique 17:14) Ébe Jehôva, mekî me ne éning. Akal éning é ne ngum aval das da so ébe Nzame, mekî ma fe me ne ngum aval das.

2. Za aval mbelane mekî Nzame a kili ?

Jehôva a nga dzô be-bo bisèñ bèñ be ye metam ô mvus naa be taa dzi mekî. (A lang Atarga 9:4 ya Lévitique 17:10.) A nga bera ban atsing té éyong tsîn ékôan ye ntet mimbu ôsua a nga bera dzô bekristen naa « be taa [. . .] belane mekî. »—A lang Bisè mintôl 15:28, 29.

A bo kaa belane mekî da yili yè ? Nge dokira a dzô naa ô taa name meyokh, waa ye ki me ñu. Ye da yili naa ô ne dzi bidzi bi bele meyokh été, nge ki naa ye wa ye yibi naa be lum wa meyokh misis été ? Wéé se ki de yebe nga. Aval dèè fe atsing Nzame da dzô naa bi taa belane mekî, da yili naa biaa yiène ki ñu mekî nge ki a dzi é tsit béé dzi ki kikh king. Ya fe naa biaa yiène ki dzi bidzi be va koghle mekî été.

Za dzam bi ne dzô nfa a belane mekî akal a sèñ môt ? Meval m’ézing ba sèñ bôt da lere faa naa ba bian atsing Nzame nfa mekî. Dzam té da daghe, a ve môt mekî ya mengap mesese mèñ nge ki ngap daa ye bôra mengap menii mekî ane—glóbulos rojos, glóbulos blancos, plaquetas ye plasma nge ki be globules rouges, be globules blancs, be plaquettes ye plasma. Meval mefe bi ne sèban béé belane mekî me ne yene ane maa biane ki atsing Nzame. Éfônan, mevôm m’ézing naa be séñ bôt, ba belane be fractions nge ki be fracciones be ye ngap daa ye bôra mengap mekî. Mevôm mevoo ba belane mekî môt émièn naa be séñ ñe. Nté bia ye fas meval ba séban meté, kada môt y’ébe bia émièn a yiène ñong Minkighane mièn.a—Begalates 6:5.

A TUGHA FAS

3. Ñonghe Minkighane nfa aval ba ye wô séñ mia ve Jehôva n’nem mbeng

Aval avé ô ne ñong minkighane nfa aval ba ye wô séñ da wulu nsama ya aval Nzame a yen mekî ? Daghane ÉNGENGENG, éyong té mia lèè minlang mia daghe éban é ne naa, mi béé bitéñ bi :

ÉNGENGENG : Aval bi ne tobe nkee nfa meñuu mèè, éyong bia ñong minkighan nfa mekî (5:47)

• Dzaghe n’yeman meyaghlan été.—Jacques 1:5.

• Dzenghe metsin metsing me ya Bible ya aval ô ne me dzale.—Minkana 13:16.

• Dzenghe naa ô yem aval ba belane mekî naa be séñ bôt ô vôm ô too.

• Dzenghe naa ô tugha yem meval ba belane mekî naa ba séñ bôt wéé se ki yebe.

• Dzenghe naa nkighane wa ye ñong ô likh é dzidzi wiè nfuban.—Bisè mintôl 24:16.b

• Yemeghe naa môt ézing—ane ñu n’nôm, ñu ngal, mvene nge ki é môt a yeghle wa Bible—aa yiène ki wô dzô nkighane wa yiène ñong wa daghe é dzidzi wiè.—Beromain 14:12.

• Tsilighe nkighane wiè naa bôt be yem é dzam ô va kikh.

4. Bengaa Jehôva ba dzeng naa ba séban aval da dang mbeng

Bi ne kang atsing Nzame da daghe mekî, bii séban fe kaa naa ba belane mekî. Daghane ÉNGENGENG.

ÉNGENGENG : Entrevista al profesor Massimo Franchi nge ki Interview du professeur Massimo Franchi. (1:36)

A lang Tite 3:2, éyong té mia lèè minlang mia daghe nsili wa zu wi :

• Amu dzé bia yiène kobe ya ngang, ya évuvuéñ éyong bia kobe ya be dokira ?

É dzam moan kristen éé se ki yebe	É dzam moan kristen émièn a ne yebe
A. Plasma nge ki Plasma sanguíneo	É boan mengap plasma
B. Globules blancs nge ki Glóbulos blancos	É boan mengap glóbulos blancos
C. Plaquettes nge ki Plaquetas	É boan mengap plaquetas
D. Globules rouges nge ki Glóbulos rojos	É boan mengap glóbulos rojos

5. Éyong ba belane be fraction nge ki fracciones mekî

Mekî me bele bôra mengap menii—glóbulos rojos, glóbulos blancos, plaquetas ya plasma nge ki be globule rouge, be globule blanc, be plaquette ya plasma. Mengap meté me bele boan mengap ba luè naa be fraction nge ki fracciones mekî.c Ba belane be fraction nge ki fracciones naa be bo mebiang ma ye vole akal a séñ akoan, éyong môt a dzimle mekî akal a va bale aveng nge ki éyong ba sale ñe.

Éyong da daghe a ñong be fraction nge ki fracciones mekî, kada kristen émièn a yiène ñong nkighane wèñ, wéé name é dzidzi wèñ a ne n’yeghlane ya Bible. Bekristen b’ézing be ne kikh naa ba tep mebiang nge ki meval ba séñ bôt béé belane be fraction nge ki fracciones mekî. Ve bekristen bevoo ba tem naa é dzidzi wôba a yebe naa be belane be fraction nge ki fracciones mekî naa be séñ bo.

Éyong wa ye ñong Minkighane muè, wa yiène fas nsili wi :

• Aval avé me ne tugha lere dokira amu dzé ma tep nge ki ma yebe naa be belane be fraction nge ki fracciones b’ézing mekî naa ba séñ ma ?

AKIGHE BES

Jehôva a yi naa bi yen mekî a ne é dzôm é ne ékî.

Ôbaghle

• Amu dzé Jehôva a yen naa mekî me ne é dzôm é ne ékî ?

• Aval avé bia yem naa atsing Nzame da dzô bia naa bi taa belane mekî da daghe fe a ñong mekî naa bia séban ?

• Aval avé bi ne ñong mbemba minkighane nfa ye aval ba belane mekî naa be séñ môt ?

Ô NE FE KE DAGHE

Za dzam wa yiène tare simane kaa naa wa yebe nge ki wa tep naa be belane mekî muè naa ba séñ wa ?

« Preguntas de los lectores » nge ki « Questions des lecteurs » (La Atalaya, 15 de octubre de 2000 ; La Tour de Garde, 15 octobre 2000)

Za dzam wa yiène tare fas kaa naa wa yebe be fraction nge ki fracciones mekî ?

« Preguntas de los lectores » nge ki « Questions des lecteurs » (La Atalaya, 15 de junio de 2004 ; Tour de Garde, 15 juin 2004)

Za dzam é nga vole dokira ézing naa a yebe naa aval Jehôva a yen mekî da yiène ?

« Acepté el criterio divino sobre la sangre » nge ki « J’ai accepté le point de vue de Dieu sur le sang » (¡Despetad!, 8 de diciembre de 2003 ; Réveillez-vous !, 8 decembre 2003)

Daghe aval nsama bemvene ba sèñ akal bobedzang ba koan (CLH) ba vole é bobeñang beba.

Jehová cuida a los enfermos nge ki Jéhovah soutient ceux qui sont malades (10:23)