AYEGHLE 34
Aval avé bi ne lere Jehôva naa bia dzing ñe ?
Ye wa simane naa édzing ô bele akal Jehôva é vem-hang ave ô sum naa wa yeghe Bible ? Ye wa kômô tsini naa wa veme angom duè ya ñe ? Nge é ne aval té, yemghe naa, nté sese Jehôva a ye yen naa édzing duè akal dèñ da ke da vem, nté sese té, ña fe a ye wô vole. Aval avé ô ne ñe lere naa wa dzing ñe ?
1. Aval avé bi ne lere Jehôva naa bia dzing ñe ?
Bia lere Jehôva naa bia dzing ñe éyong bia bo ñe mewokh. (A lang 1 Jean 5:3.) Aa yemle ki môt ézing naa a bo ñe mewokh. Ndaane de, a likh kada môt y’ébe bia naa a top nge a ye ñe bo mewokh nge ki kaa. Amu dzé ? Amu naa, Jehôva a kômô naa bi « bo ñe mewokh ya n’nem ôse ». (Beromain 6:17) Da yili naa, a kômô naa ô bo ñe mewokh, se ki akal ba yemle wô do, ve akal wa dzing ñe. Be nga kôm mengap 3 ye 4 ya abakh di, naa me vole wa a lere édzing duè akal Jehôva wéé bo é mam ma ve ñe n’nem mbeng ya saalé éma ma ve ñe n’nem abé.
2. Amu dzé é ne bo nzukh naa bi lere naa bia dzing Jehôva ?
« Minzukh é môt a ne sôsôe mi ne abuiñ. » (Bya 34:19) Bia besese bia yirane ya nsem bi nga byale wô. Ya fe naa bi ne tubane minzukh mi mono, ékoar-koat ya fe mbimbia be-mam mefe. Éyong bia tuban aval minzukh mité, bi ne yen ayèñ naa bi bo é dzam Jehôva a sili bia, é ne fe ve naa bi taa bo Jehôva mewokh. Ve, éyong wa bo é dzam Jehôva a sili wa, wa lere naa wa dzing ñe a lôt é mam mese mevoo. Wa ye fe ñe lere naa ô ne sôsôe ya ñe. Ñe a ye fe tobe sôsôe ya wa. Aa ye ki wô likh môs ézing.—A lang Bya 4:3.
A TUGHA FAS
Tugha yen amu dzé mewokh mèè me ne éban akal Jehôva, ya yen é dzam é ne wô vole naa ô tobe sôsôe ya ñe.
3. Nsili wa name bia besese
Aval nten Job wa lere, Satan a nga bo bibôra se ki fave ébe Job étam, ve ébe é bôt besese ba kômô sèhane Jehôva. A lang Job 1:1, 6–2:10, éyong té mia lèè minlang mia daghe minsili mia zu mi :
Ébe Satan, amu dzé Job a mbe é bo Jehôva mewokh ? —A daghe Job 1:9-11.
Za bibôra Satan a nga bo ébe boan be-bôt besese, amben wa fe ?—A daghe Job 2:4.
A lang Job 27:5b, éyong té mia lèè minlang mia daghe nsili wa zu wi :
Aval avé Job a nga lere naa a mbe faa é dzing Jehôva ?
Job a nga lere édzing akal Jehôva, éyong a nga tobe sôsôe ya ñe
Bia lere édzing dèè akal Jehôva, éyong bia tobe sôsôe ya ñe
4. Va Jehôva n’nem mbeng
A lang Minkana 27:11, éyong té mia lèè minlang mia daghe minsili mia zu mi :
Za dzam Jehôva a wôran éyong ô ne nkee ya bo ñe mewokh ? Amu dzé ?
5. Ô ne tobe sôsôe ya Jehôva
Édzing dèè akal Jehôva da ve naa bi kobe ya é bôt bevoo é mam ma daghe Jehôva. É sôsôe bi bele akal ñe da tsini bia naa bi bo de, amben éyong déé se ki ébubu. Daghane ÉNGENGENG, éyong té mia lèè minlang mia daghe minsili mia zu mi :
ÉNGENGENG : Défends ta foi malgré l’opposition nge ki Defienda sus creencias ante la oposición (5:09)
Ye é kui-hang wô naa, é bo wa nzukh naa ô kobe ya é bôt bevoo é mam ma daghe Jehôva ?
Éngengeng di été, za dzam é nga vole Grayson naa a dang é wong dèñ ?
Da ye bo ébubu naa bi bo Jehôva mewokh éyong bia dzing é mam a dzing ya vini fe éma a vini. A lang Bya 97:10, éyong té mia lèè minlang mia daghe minsili mia zu mi :
Ébe é mam mese ô yeghe-yang, za mam m’ézing Jehôva a dzing ? Za mam m’ézing a vini ?
Aval avé ô ne yeghe a dzing é mam me ne mbeng ya vini éma me ne abé ?
6. Bia ñong biboran éyong bia bo Jehôva mewokh
A bo Jehôva mewokh é ne édedèè mbeng éyong ésese. A lang Esaïe 48:17, 18, éyong té mia lèè minlang mia daghe minsili mia zu mi :
Ye wa tem naa Jehôva a yem é dzam da dang mbeng akal dèè éyong ésese ? Amu dzé wa tem do ?
Ave ô sum yeghe Bible ya fe ña Nzame Jehôva, za biboran ô bele-yang ?
NGE MÔR ÉZING A DZÔ WÔ NAA : « Nzame aa bis ki mimboane miam. »
Za éfus ya Bible ô ne belane do naa ô lere naa mimboane miè, mia name Jehôva ?
AKIGHE BES
Ô ne lere naa wa dzing Jehôva éyong wa bo ñe mewokh ya tobe sôsôe ya ñe amben éyong é ne nzukh.
Ôbaghle
Za dzam ô va yeghe ya éfônan Job ?
Aval avé wa ye lere naa wa dzing Jehôva ?
Za dzam da ye wô vole a tobe sôsôe ya Jehôva ?
Ô NE FE KE DAGHE
Yeneghe aval ô ne tobe sôsôe ya Jehôva y’ékôan.
« Avec qui est fidèle tu te montreras fidèle » nge ki « Con alguien leal tú actuarás en lealtad » (16:49)
Yeghe abuiñ mam mefe nfa bibôra Satan a nga dzô asu boan be-bôt.
« L’intégrité de Job » nge ki « Job se mantiene fiel » (La Bible : quel est son message ?, partie 6 nge ki La Biblia y su mensaje, sección 6)
Yeneghe aval boan be ne lere édzing deba akal Jehôva.
Fais plaisir à Jéhovah nge ki ¡Haz feliz a Jehová! (8:16)
Aval avé bitong bi-bôt bi ne tobe sôsôe ya Jehôva, amben bitong bevoo ba yemle bo naa be bo mbimbia be-mam ?
O taa lik é bong bevok be ve naa o bo é dzam é ne abé! (3:59)