É dzam môt a va tubane de

Lereghane naa mia wokh mintèñ bôt meval mese

Môs ézing, kal dzèè ya Nueva Zelanda nge ki Nouvelle-Zélande a nga daghe éngengeng « Preocupémonos unos por otros nge ki Soucions-nous les uns des autres », é nga lere aval Jehôva aa sughu ki fave a wôrane mintèñ bôt, a lere fe de ya mimboan (Esaïe 63:7-9). A nga kikh naa a dzale é dzam a nga yeghe ye dzeng meval a ne vole é bôt bevoo. Ôyôm tam ôsu vèè, môs té, nté a mbe éé k’a kus biôm, a nga yen é minenga éé bele ki nda, ane a nga dzô ñe naa a kômô ñe kus dzôm ya dzi. Minenga té a nga yebe. Éyong kal dzèè a nga zu ñe kee bidzi, éde a nga kanghle ñe mbemba fuèñ tang ôyôm tam, éé belan nso afep Ye minzukh mia ye faa man môs ézing ?

Minenga a nga sum naa a yi. A nga dzô naa moan Bengaa éñ’a nga yale ñe, ve éé ntoo abuiñ mimbu ave a kôre bebela. Ve melu meté a nga yaghlane Jehôva naa a vole ñe a dughane ébe ñe. Kal dzèè a nga ve ñe Bible, éde minenga té a nga yebe ayeghe Biblea.

Ane Jehôva, bi ne lere naa bia wôrane mintèñ é bôt bevoo, a lang été bôt be y’é nda-bôt dzèè, ye bobedzang ye bekal bèè be y’ékôan. Bi ne fe lere naa bia wôrane mintèñ é bôt bevoo éyong bia dzeng naa bia kanghle be mbemba fuèñ meval mese.