Asɛnka Nye Asetsena Nhyiamu Dwumadzi Nwoma—2025 | July

JULY 28–AUGUST 3

MBƐBUSƐM 24

Ndwom 38 Nye Mpaabɔ | Mbue-Enyim Nsɛm (Min. 1)

AKORADZE A OFI NYANKOPƆN N’ASƐM MU

1. Siesie Woho Ma Ɔhaw A Ibotum Ehyia

(Min. 10)

Kɔ do hwehwɛ nyimdzee na nyansa (Mbɛ 24:5; it-2 610 ¶8)

Sɛ w’abaw mu bu mpo a, kɔ do ara yɛ ndzɛmba a ɔbɔboa wo ma aahyɛ enye Jehovah ntamu ebusuabɔ no mu dzen (Mbɛ 24:10; w09 12/15 18 ¶12-13)

Ɔdɔ a yɛwɔ ma Jehovah na gyedzi kɛse a yɛwɔ wɔ no mu no bɔboa hɛn ma yeetum egyina ɔhaw ano (Mbɛ 24:16; w20.12 15)

Akyerɛbaa bi a yarba bi a no mu yɛ dzen retseetsee no nye akyerɛbaa fofor reyɛ efiefi asɛnka na hɔn enyi agye. Ɔdze biribi rekyerɛ maame no wɔ ne tablɛt do.

2. Pɛnsapɛnsa Bible Mu

(Min. 10)

Mbɛ 24:27—Ebɛnadze na dɛm abɛbusɛm yi ma yehu? (w09 10/15 12)

Wo mbuae
Eyɛɛ dapɛn yi Bible akenkan no mu mpɛnsampɛnsamu no, ebɛn adze na ihunii a epɛ dɛ eka ho asɛm?

Wo mbuae

3. Bible Akenkan

(Min. 4) Mbɛ 24:1-20 (th adzesua 11)

TU MPON WƆ ASƐNKA EDWUMA NO MU

4. Ber A Epɛ Dɛ Ehyɛ Nkɔmbɔ Ase

(Min. 2) BER A INNYI ASƐNKA MU. Enye obi abɔ nkɔmbɔ ewie, naaso enntum enndzi no dase. (lmd adzesua 2 nkyekyɛmu 4)

5. Ber A Epɛ Dɛ Ehyɛ Nkɔmbɔ Ase

(Min. 3) EFIEFI ASƐNKA. (lmd adzesua 3 nkyekyɛmu 4)

6. Ber A Epɛ Dɛ Ehyɛ Nkɔmbɔ Ase

(Min. 3) BAGUA MU ADASEDZI. Ka nhyehyɛɛ a yɛdze yɛ Bible adzesua no ho asɛm kyerɛ nyimpa no, na fa kaad a ɔka Bible adzesua ho asɛm no bi ma no. (lmd adzesua 4 nkyekyɛmu 3)

7. Ɔkasa

(Min. 3) lmd nkekaho A nkyekyɛmu 11—Asɛntsir: Nyankopɔn Kasa Kyerɛ Hɛn. (th adzesua 6)

CHRISTIANFO ASETSENA

Ndwom 99

8. Sɛ Yɛkɔ Ahokyer Mu A, Yɛmboaboa Hɛnho

(Min. 15) Nkɔmbɔ.

Atoyerɛnkyɛm, ɔko na basabasayɛ botum eyi ne tsir aber a yɛnnhwɛ kwan. Dɛmara so na awerɛfirmu ara nsanyarba bi botum atsew esi kurow bi mu. Afei so, nkorɔfo botum asoɛr etsia hɛn ber a yɛnnhwɛ kwan. Sɛ ɔhaw ahorow a ɔtsetse dɛm sisi a, hɛn nuanom Christianfo a hɔn ho aka no boaboa hɔnho na wɔhyɛ hɔnho nkuran. Naaso sɛ ɔkɛba dɛ dɛm ɔhaw ahorow yi bi mpo annka hɛn a, yɛtse nka ma hɛn nuanom a worihyia ɔhaw a ɔtse dɛm no, na yɛyɛ dza yebotum biara dze boa hɔn.—1Co 12:25, 26.

Mfonyin ahorow: Enuanom reyɛ ndzɛmba ahorow dze aboa hɔn nuanom a hɔn ho akyer hɔn no. 1. Enuanom roboa ma woesi Ahendzi Asa bi a atoyerɛnkyɛm asɛɛ no. 2. Enuanom dze enyigye rema maame bi na ne ba a woetu efi hɔn kurow mu no akɔaba. 3. Akyerɛbaa bi riyi ntoboa wɔ Ahendzi Asa do. 4. Wɔdze enuanom bi a wɔyɛ etukɔfo akɔ Ahendzi Asa do, na enuanom a wɔwɔ hɔ no dze ndzɛmba bi a wobehia no rema hɔn. 5. Enuanom bi a woetu hɔnho ama dze nsu rema enuanom bi. 6. Onua bi robɔ mpaa.

Kenkan 1 Ahemfo 13:6 na James 5:16b. Afei bisa dɛ:

Ebɛnadze ntsi na mpaa a Nyankopɔn n’asomfo bɔ ma afofor no wɔ tum kɛse?

Wo mbuae

Kenkan Mark 12:42-44 na 2 Corinthfo 8:1-4. Afei bisa dɛ:

Bi a hɛn sikasɛm nnkɔ yie na ntoboa kakraabi na yebotum eyi dze aboa wiadze nyina som edwuma no ama woeetum dze bi aboa hɛn nuanom a wɔakɔ ahokyer mu no. Sɛ dɛm na ɔtse wɔ hɛn afamu mpo a, ebɛnadze ntsi na ɔnnsɛ dɛ yɛtwentweɔn hɛn ananadze koraa dɛ yebeyi ntoboa?

Wo mbuae

Yi VIDEO a wɔato dzin Wɔhyɛɛ Hɛn Nuanom A Wɔabra Hɔn No Dzen. Afei bisa dɛ:

Aber a wɔdze nsa too hɛn dwumadzi do wɔ Eastern Europe no, ebɛn ndzɛmba na enuanom fii hɔn pɛ mu dze boaa hɔn nuanom Christianfo a nna wɔwɔ hɔ no?

Wo mbuae
Ebɛnadze na enuanom yɛe dze kyerɛɛ dɛ nna wɔdze afotu a ɔnye dɛ yɛnkɔ do nhyia mu na yɛnhyehyɛ hɛnho nkuran no reyɛ edwuma?—Heb 10:24, 25

Wo mbuae