9 “Dou lesu vakatotolo vei tamaqu, dou tukuna vua, ‘Qo na ka e tukuna mai na luvemu o Josefa: “Sa lesi au na Kalou meu turaga e Ijipita taucoko.+ Mo lako sobu mai vei au. Kua ni lokuyara.+

11 Au na vakarautaka e kea na kemu kakana, ni se vo e lima na yabaki ni dausiga.+ Ke sega, o na dravudravua, na nomu vale, kei na ka kece o taukena.”’

13 E sega ni qai vo na kakana* ena vanua kece ni sa tatara sara vakaca na dausiga, ra qai malumalumu na lewenivanua e Ijipita kei Kenani ena vuku ni dausiga.+

19 Na cava me keimami mate kina e matamuni, o keimami kei na neimami qele? Ni voli keimami kei na neimami qele me isosomi ni kakana, keimami na qai bobula i Fero, qai nona na neimami qele. Solia vei keimami na sorenikau me keimami bula kina qai sega ni mate, me kua tale ga ni lala na neimami qele.”