7 Mo biuta na drega dina e boivinaka ena ibinibini yadua, qori me madrai ni isoro ni ivakananumi*+ e cabori vei Jiova ena bukawaqa. 8 Me binia vinaka tu ga na madrai ena Siga ni Vakacecegu kece ena mata i Jiova.+ Qo na veiyalayalati tudei vei ira na Isireli. 9 Ena kedratou o Eroni kei ira na luvena tagane,+ era na kania ena dua na vanua tabu,+ ni qo e ka tabu sara vua mai na isoro i Jiova e dau cabori ena bukawaqa, me ivakaro tudei.”

25 Ia e kaya vei ira: “Oni sega ni bau wilika na ka e cakava o Tevita ni viakana kei ratou na nona itokani qai sega vua na kakana?+ 26 E vola o Epaiaca+ na iliuliu ni bete, ni a curu o Tevita ina vale ni Kalou qai kania na madrai e vakacabori* vua na Kalou, na madrai era dau kania ga na bete,+ sega tale ni dua, e solia tale ga eso vei ratou na nona itokani me ratou kania.”

3 Ia e sauma vei ira o Jisu: “Vakaevei, oni sega ni bau wilika na ka e cakava o Tevita kei ratou na nona itokani ni ratou viakana?+ 4 E curu ina vale ni Kalou qai taura me kania na madrai e vakacabori* vua na Kalou, e solia tale ga vei ratou na nona itokani, na madrai era dau kania ga na bete,+ e vakatabui me dua tale e kania?”