18 Ia qo na ka mo dou tukuna vua na tui Juta e talai kemudou mai mo dou tarogi Jiova, “Qo na ka e kaya o Jiova na Kalou ni Isireli: ‘Ena vuku ni vosa o rogoca, 19 ni vakarorogo* na lomamu mo vakamalumalumutaki iko+ ena mata i Jiova, ni o rogoca na ka au tukuna me baleta na vanua qo kei ira na lewena, mera domobulataki ra qai vosavakacacataki, o dresulaka sara na nomu isulu+ o tagi e mataqu, au sa rogoci iko tale ga, e kaya o Jiova.

13 E masuti koya tiko ga o Manasa mani vakatudaliga na Kalou ina nona vakamamasu me rogoca na nona kerekere me lomani, qai vakasukai koya i Jerusalemi ina nona veiliutaki.+ E qai kila o Manasa ni Kalou dina ga o Jiova.+

Ni tagi me kere veivuke vua, e rogoca o koya.+

22 Ia e qai kaya o tamana vei ira nona dauveiqaravi, ‘Totolo, dou kauta mai e dua na isulu balavu, na ka vinaka duadua, dou vakasulumi koya kina, me dua na mama e ligana, me vakaivava tale ga na yavana. 23 Me kau tale ga mai na luvenibulumakau tagane uro, dou vakamatea meda kana, meda soqo, 24 ni a mate na luvequ qo, sa qai bula tale,+ a yali tu, sa qai kune tale.’ Era sa qai marau.

13 Ia e duri tu mai vakayawa na daukumuni ivakacavacava, e sega mada ga ni tacake rawa i lomalagi. E tavia tiko ga na serena, e kaya, ‘Kemuni na Kalou, ni lomani au niu tamata ivalavala ca.’+ 14 Au tukuna vei kemuni, e vakadonui na tagane qo ni lako sobu i nona vale, e sega ni vakadonui na Farisi.+ Ni o koya e vakacerecerei koya ena vakalolovirataki, o koya e vakamalumalumutaki koya ena vakacerecerei.”+