• Same 15:1-5
    iVolatabu Vakadewa ni Vuravura Vou

    • 15 Kemuni Jiova, o cei me vulagi ena nomuni valelaca?

      O cei me tiko ena nomuni ulunivanua tabu?+

       2 O koya e lako tiko vakadodonu,*+

      E cakava tiko na ka dodonu+

      Qai dau vosa dina mai lomana.+

       3 O koya e sega ni vakaucaca ena yamena,+

      E sega ni caka ca vua erau tiko veitikivi,+

      Qai sega ni vakarogocataki* ira nona itokani.+

       4 E cati koya e ivalavala torosobu,+

      Ia e rokovi ira na rerevaki Jiova.

      E dau dina ena nona vosa ni yalayala,* veitalia ke vakaleqai kina.+

       5 E sega ni solia nona ilavo me rawa tubu kina,+

      E sega tale ga ni ciqoma na veivaqumi me beitaki kina o koya e tawacala.+

      O koya e cakava na veika qori ena sega vakadua ni yavalati.*+

  • Same 84:1-4
    iVolatabu Vakadewa ni Vuravura Vou

    • 84 E totoka* dina na nomuni valeniveitavaki lagilagi,+

      Kemuni Jiova ni lewe vuqa!*

       2 Na yagoqu taucoko sa guta,

      Io, au kolaiciba niu diva voli,

      Na lomanibai i Jiova.+

      Na lomaqu kei na lewequ e kaila ena marau vua na Kalou bula.

       3 Na manumanuvuka mada ga e kunea e kea na nona vale

      Kei na kakabace na nona sova,

      Na vanua me susuga kina na luvena

      Volekata na nomuni icabocabonisoro levu, i Jiova ni lewe vuqa,*

      Na noqu Tui kei na noqu Kalou!

       4 Era marau o ira na vakaitikotiko ena nomuni vale!+

      Era vakacaucautaki kemuni tiko ga.+ (Sela)