Same
78 Ni vakarorogo na noqu tamata ina noqu lawa,*
Vakala na daligamuni ina vosa ni gusuqu.
2 Au na dolava na gusuqu ena vosa vakaibalebale.
Au na tukuna eso na vatavatairalago makawa sara.+
3 Na veika eda sa rogoca qai kila,
Na veika era talanoataka vei keda na tamada,+
4 Eda na sega ni vunia vei ira na luvedra,
Eda na tukuna ina itabatamata ena muri mai+
Na cakacaka vakasakiti i Jiova kei na nona kaukaua,+
Na veika veivakurabuitaki sa cakava o koya.+
5 Sa vakataudeitaka o koya na veivakadreti vei Jekope
Qai vakarautaka na lawa vei Isireli,
E vakarota o koya vei ira na tukada
Mera vakatakila na veika qo vei ira na luvedra,+
6 Me rawa vei ira na itabatamata e tarava,
O ira na gone era se bera ni sucu, mera kila.+
Era na qai talanoataka vei ira na luvedra.+
7 Era na qai vakanuinui vua na Kalou o ira qo.
8 Era na sega ni vakataki ira kina na tukadra,
Na itabatamata yalokaukaua qai talaidredre,+
Na itabatamata e sega ni dei*+ na lomadra
Era sega tale ga ni dina vua na Kalou.
9 O ira na Ifireimi era vakaiyaragi ena dakaititi,
Ia era suka tale ena siga ni valu.
11 Era guilecava tale ga na ka sa cakava o koya,+
Nona cakacaka veivakurabuitaki a vakaraitaka vei ira o koya.+
14 E liutaki ira o koya ena o ena siga
Ena rarama tale ga ni bukawaqa ena bogi taucoko.+
15 E vakaca na veivatu ena vanua talasiga,
E vagunuvi ira mera sinai me vaka mai na wai titobu.+
16 E vakadrodroya na wai mai na vatu
E vakavuna tale ga me drodro sobu na wai me vaka na veiuciwai.+
17 Ia era valavala ca tiko ga vua
Nira talaidredre ena vanua dravuisiga vei koya e Cecere Duadua,+
18 Era vorata* na Kalou e lomadra+
Nira cikeva ga na kakana era kusimataka.
19 Era mani vosavakacacataka na Kalou,
Era kaya: “Vakacava, e rawa ni vakarautaka na Kalou na teveli ena vanua talasiga?”+
20 Raica! E samuta o koya na vatu
Me drodro mai na wai qai dave na uciwai+
“Vakacava e rawa ni solia tale ga vei keda na madrai,
Se rawa vua me vakarautaka na lewe ni manumanu vei ira na nona tamata?”+
21 Ni rogoci ira o Jiova, e cudru sara ga,+
E waqa yani vei Jekope na bukawaqa,+
Qai waqa cake vei Isireli na nona cudru+
22 Nira sega ni vakabauta na Kalou,+
Era sega ni nuitaka ni na rawa ni vakabulai ira o koya.
23 E mani vakarota o koya na o e macawa,
Qai dolava na katuba kei lomalagi.
26 E yavalata mai lomalagi na cagi tokalau
Qai vakavuna me liwa na ceva ena nona kaukaua.+
27 E qai vakatauca sobu vei ira na lewe ni manumanu me vaka na kuvuniqele,
Na manumanuvuka me vaka na nuku mai matasawa.
28 E vakavuna o koya mera lutu ena loma ni nona keba,
Me wavokita kece na nona valelaca.
29 Era mani kana ra qai kana vakasivia,
E solia vei ira o koya na ka era garova.+
30 Ia ni bera nira mamau vinaka ena nodra kusima,
Ni se tu ga e gusudra na kedra kakana,
31 E waqa vei ira na cudru ni Kalou.+
E vakamatea na nodra tamata kaukaua duadua,+
E vakabalea sobu o koya na cauravou kei Isireli.
33 E mani vakacavara na nodra siga me vaka wale na icegu,+
Kei na nodra yabaki ena veika vakadomobula e yaco vakasauri.
34 Ia era na vakasaqarai koya me vaka ga na levu ni nona vakamatei ira,+
Era na lesu mai ra qai vakasaqara na Kalou,
35 Era nanuma ni nodra Uluvatu+ na Kalou
36 Ia era saga mera lawakitaki koya ena gusudra
Qai lasutaki koya na yamedra.
E dau tarova tale ga na nona cudru+
Mai na nona ceburaka taucoko na nona cudru.
39 Ni dau nanuma o koya nira lewe wale ga,+
Na cagi e liwa yani qai sega ni lesu mai.
42 Era sega ni nanuma na nona kaukaua,*
Na siga a vakabulai* ira kina mai vua na meca,+
43 Na nona vakaraitaka na nona ivakatakilakila mai Ijipita+
Kei na nona cakamana ena yasayasa o Soani,
44 Na nona vukica tale ga na ikelimusu ni Naile me dra+
Mera kua ni gunu rawa ena kena uciwai.
46 E solia na nodra itei vei ira na vodre kocokoco,
Na vua ni nodra cakacaka ina qelenivodre.+
47 E vakacacana o koya na nodra vunivaini ena ucaqereqere+
Kei na nodra vunilolo ena ucaqereqere.
48 E solia o koya na nodra manumanu dau cakacaka ina ucaqereqere+
Kei na nodra qelenimanumanu ina yaseyase.*
49 E vakatauca vei ira o koya na nona cudru waqawaqa,
Na cudru katakata, na cudru kei na rarawa,
Na ilawalawa agilosi era kauta mai na leqa.
50 E caramaka o koya e dua na sala ni nona cudru.
E sega ni vakabulai ira mai na mate,
Qai soli ira* yani ina matedewa.
51 E mani vakamatei ira kece na ulumatua ni Ijipita,+
Na itekitekivu ni nodra kaukaua ni vakatubukawa ena valelaca kece i Ame.
52 E qai kauti ira mai na nona tamata vaka e dua na qelenisipi+
Qai dusimaki ira vaka na qelenimanumanu ina vanua talasiga.
53 E tuberi ira ni taqomaki ira vinaka,
Ra qai sega ni vakila na rere,+
Na wasawasa sa ubi ira na kedra meca.+
54 E qai kauti ira mai o koya ina nona yasana tabu,+
Qo na veiulunivanua e rawata ena ligana imatau.+
55 E vakatalai ira tani na veimatanitu mai matadra,+
E vota vei ira na ivotavota ena wa ivakarau,+
E biuti ira na yavusa kei Isireli ena nodra vale.+
56 Ia era vorata* tiko ga na Kalou Cecere Duadua, qai talaidredre vua,+
Era sega ni vakatudaliga ina nona veivakadreti.+
57 Era gole tani, ra qai veivakaisini vakataki ira na tukadra.+
Era sega sara ni nuitaki rawa me vaka na dakaititi e luluqa na kena wa.+
58 Era vakacudrui koya tiko ga ena nodra vanua cecere,+
Ra qai vakavuna me cudru vakalevu* ena nodra ivakatakarakara ceuti.+
59 E rogoca na Kalou qai cudru vakalevu,+
E cati Isireli sara ga.
60 E tini biuta o koya na valeniveitavaki mai Sailo,+
Na valelaca e dau tiko kina ena kedra maliwa na tamata.+
61 E laiva na ivakatakilakila ni nona kaukaua me vakabobulataki,
Na kena totoka ina ligana na meca.+
62 E soli ira na nona tamata o koya ina iseleiwau+
Qai cudruva vakalevu na nona ivotavota.
63 E kani ira na nona cauravou na bukawaqa,
Qai sega ni lagati na sere ni vakamau vei ira na nona goneyalewa.*
66 E qai cemuria lesu o koya na kena meca,+
E vakavuna mera vakamadualaki tiko ga.
67 E cata o koya na valelaca i Josefa,
E sega ni digitaka na yavusa i Ifireimi.
69 E cakava nona tikina tabu me tu ga me vaka na lomalagi,*+
Vaka na vuravura e sa vakataudeitaka tu me tawamudu.+