Osea

3 E kaya vei au o Jiova: “Lako tale, mo lomana na yalewa a domoni koya e dua tale qai veibutakoci,+ me vaka ga na nona lomani ira na Isireli o Jiova+ nira goleva eso tale na kalou+ mera taleitaka na ibuli vuanivaini rabaraba.”*

2 Au mani voli koya me noqu ena 15 na tikinisiliva kei na dua na ivakarau omeri* kei na veimama na varile. 3 Au qai kaya vua: “O na noqu tiko ga me vica vata na siga. Mo kua sara ni lai saqamua,* mo kua ni veiyacovi kei na dua tale na tagane, ena va tale ga qori na noqu ivalavala vei iko.”*

4 Ni na sega na nodra tui na Isireli me dua na gauna balavu,*+ ena sega na nodra turaga, ena sega na nodra isoro, ena sega na nodra duru ni sokalou, ena sega na nodra efoti+ kei na nodra matakau terafimi.*+ 5 Oti era na lesu na Isireli mera vakasaqarai Jiova na nodra Kalou+ kei Tevita na nodra tui,+ era na sautaninini yani vei Jiova kei na nona yalovinaka ena veisiga mai muri.+