Jope
3 E vosa sara o Jope qai vosavakacacataka na siga e sucu*+ kina. 2 E kaya o Jope:
3 “Me yali sara na siga au sucu kina,+
Kei na bogi a tukuna kina e dua: ‘Sa kunekunetaki e dua na gonetagane!’
4 Me butobuto na siga oya.
Me kua ni kauai kina na Kalou mai cake,
Me kua ni cila kina na rarama.
5 Me suka ina butobuto loaloa.*
Me tu e delana na o ni uca.
Me domobula ena ka e dau vakabutobutotaka na siga.
6 Na bogi oya—me kovea ga na butobuto,+
Me kua ni marau vakalevu ena maliwa ni veisiga ni yabaki,
Me kua tale ga ni okati ena iwiliwili ni veivula.
7 Io! Me matemate na bogi oya,
Me kua ni rogo mai kina na kaila ni marau.
8 Mera vosavakacacataka o ira na dau vosavakacacataka na siga,
9 Mera buto na kena kalokalo ivolasiga,
Me matewale nodra waraka na rarama ni siga,
Qai kua ni raica na kida ni rarama.
10 Ni a sega ni sogota na katuba ni katonigone i tinaqu,+
Se tabonaka na mataqu mai na leqa.
11 Na cava au sega ni mate kina niu sucu mai?
Na cava au sega ni mate kina niu lako mai ena katonigone?+
12 Na cava e tavaki au kina na duru
Kei na sucu meu sucuma?
13 Keu sa davo tu qai sega ni vakasosani,+
Keu sa moce qai vakacegu tu+
14 Kei ira na tui ni vuravura, kei na nodra daunivakasala,
Era tara na nodra vanua e sa irusarusa tu ena gauna qo,*
15 Se o ira na ravouvou era taukena na koula,
E sinai e nodra vale na siliva.
16 Se, na cava au sega kina ni vaka e dua e sega ni kilai ni sa lutudole,
Vaka na gone era sega vakadua ni raica na rarama?
17 E kea mada ga sa oti kina na yavavala ni daucaka ca,
Era vakacegu e kea na wawale tu.+
18 Era vakacegu vata e kea na kaivesu,
Era sega ni rogoca na domo i koya e vakasaurarataki ira mera cakacaka.
19 Era tautauvata e kea na vetaira kei ira na vetaicake,+
Sa sereki na bobula mai vua na nona turaga.
20 Na cava e solia kina na rarama vei koya e vakaloloma tiko
Kei na bula vei ira na luvuci tu ena rarawa?+
21 Na cava era diva kina na mate, qai sega ni yaco?+
Era vakasaqara tiko ga vakalevu qo mai na iyau vuni,
22 O ira era marau tiko vakalevu,
Era marau nira sa kunea na ibulubulu.
23 Na cava e solia kina na rarama vua na tamata sa yali tu nona sala,
E viribaiti koya na Kalou?+
25 Ni sa yacovi au na ka au dau domobulataka,
Sa yaco mai vei au na ka au dau rerevaka.
26 E sega vei au na vakacegu, sega na vakanomodi, sega na cegu,
Ia e tasoro ga mai na leqa.”