Same
106 Ni vakacaucautaki Ja!*
2 O cei ena rawa ni tukuna taucoko na cakacaka vakaitamera i Jiova
Se kacivaka na nona cakacaka vakatubuqoroqoro kece?+
3 Era marau o ira na lewadodonu ena nodra cakacaka,
Era cakava tu ga na ka e dodonu.+
4 Ni nanumi au, i Jiova, ni oni vakaraitaka na loloma* vei ira na nomuni tamata.+
Ni karoni au ena nomuni cakacaka ni veivakabulai,
5 Meu marautaka nomuni yalovinaka vei ira na nomuni digitaki,+
Meu marau vakalevu kina kei na nomuni matanitu,
Meu vakacaucautaki* kemuni kei na nomuni ivotavota.
6 Keimami sa valavala ca me vakataki ira ga na tukai keimami,+
Keimami sa cala, keimami sa cakava na ka ca.+
7 Era sega ni doka* na tukai keimami na nomuni cakacaka veivakurabuitaki mai Ijipita.
Era sega ni nanuma na levu ni dei ni nomuni loloma,
Ia era talaidredre e wasawasa, ena Wasa Damudamu.+
9 E vunauca na Wasa Damudamu qai mamaca mai,
E liutaki ira ena wai titobu me vaka ga ena vanua dravuisiga,*+
10 E vakabulai ira mai na ligadra na kedra meca+
Qai sereki ira mai na liga ni meca.+
13 E totolo ga na nodra guilecava na ka e cakava o koya,+
Era sega ni waraka na nona ivakasala.
14 E rawai ira na kocokoco ni lomadra ena vanua talasiga,+
Era vakatovolea na Kalou ena vanua dravuisiga.+
15 E solia vei ira o koya na ka era kerea,
Ia e kuitataki ira ena tauvimate, era mani malumalumu.+
17 E qai tadola na vuravura me tilomi Tecani
E ubi ira tale ga na soqoni tu kei Epairami.+
18 E waqa ena maliwa ni nodra ilawalawa na bukawaqa,
E kani ira na daucaka ca na yameyame.+
19 Era bulia mai Orepi e dua na luvenibulumakau
Ra qai cuva ina matakau kaukamea,*+
20 Era sosomitaka na kequ lagilagi
Ena ivakatakarakara ni dua na bulumakau tagane daukana co.+
21 Era guilecava na Kalou+ na nodra iVakabula,
O koya e cakava na veika lelevu e Ijipita,+
22 Na cakacaka veivakurabuitaki ena vanua o Ame,+
Na cakacaka vakatubuqoroqoro ena Wasa Damudamu.+
23 Sa voleka sara ni vakarota o koya mera vakawabokotaki,
Ia e tarovi koya* o Mosese na nona digitaki
Me vagolea tani na nona cudru dauveivakarusai.+
26 E qai laveta cake na ligana o koya me bubului ena vukudra
Me vakabalei ira ena vanua talasiga,+
27 Ena vakabalei ira na nodra kawa ena kedra maliwa na veimatanitu,
Ena vakavuna tale ga o koya mera talabusese ina veivanua.+
28 Ra qai veitomani ena sokalou vei* Peali ni Piori,+
Era kania tale ga na isoro e cabori vei ira na mate.*
30 Ia ni tucake o Finiasi qai tataro,
E mudu na kuita.+
31 Qai okati o koya me yalododonu
Ena itabatamata kece me tawamudu.+
37 Era cabora na luvedra tagane
Kei na luvedra yalewa vei ira na timoni.+
38 Era vakadavea tiko ga na dra e sega ni cala,+
Na nodra dra na luvedra tagane kei luvedra yalewa
Era cabora vei ira na matakau ni Kenani,+
E mani dukadukali na vanua ena vakadavedra.
39 Era sega ni savasava ena vuku ni nodra cakacaka,
Era saqamua vakayalo ena nodra ivalavala.+
40 E waqa na cudru i Jiova vei ira na nona tamata,
Qai sevaka kina na nona ivotavota.
42 E vakasaurarataki ira na kedra meca,
Ra qai vakamalumalumutaki ena nodra kaukaua.*
43 E vakabulai ira o koya ena levu na gauna,+
Ia era dau veivorati qai talaidredre,+
Era qai vakalolovirataki ena vuku ni nodra cala.+
45 E dau nanuma na nona veiyalayalati ena vukudra,
Qai lomani ira,* ni uqeti koya na levu* ni nona loloma e dei.+
46 E dau vakavuna mera lomani
Vei ira kece na tauri ira vakavesu.+
47 Ni vakabulai keimami, i Jiova na neimami Kalou,+
Qai kumuni keimami mai na veimatanitu,+
Me rawa ni keimami vakavinavinaka ina yacamuni tabu
Mera qai kaya kece na lewenivanua, “Emeni!”*
Vakacaucau vei Ja!*