iMatai ni iVola Vei Ira mai Cesalonaika

4 Kena itinitini raveitacini, keitou vakavulici kemuni ena ivakarau ni bula moni muria me marau kina na Kalou,+ oni sa vakayacora tale tiko ga. Qo keitou vakadreti kemuni, keitou vakamasuti kemuni tale ga ena yaca ni Turaga o Jisu moni vakayacora sara na ka kece qori ena nomuni vinaka taucoko. 2 Ni oni kila vinaka na ka keitou vakaroti kemuni kina ena yaca ni Turaga o Jisu.

3 E loma ni Kalou qo, moni vakasavasavataki+ kemuni, oya moni vakatabui kemuni mai na veiyacovi tawadodonu.*+ 4 Moni kila yadua na sala moni lewa kina na yagomuni,+ me savasava+ qai rokovi, 5 moni kua ni dau kocokoco se garogaro vakasisila+ me vakataki ira na lewe ni veimatanitu era lecava na Kalou.+ 6 Me kua ni dua e vakaleqa se via vakayagataki tacina ena ka qo, baleta o Jiova* ena veitotogitaki kina, me vaka keitou sa tukuna oti vei kemuni, keitou sa vakasalataki kemuni tale ga kina vakadodonu. 7 Ni sega ni kacivi keda na Kalou meda dukadukali, meda savasava ga.+ 8 O koya e beca qo, e sega ni beca na tamata, e beca ga na Kalou,+ o koya e solia vei kemuni na yalona tabu.+

9 Ia me baleta na veilomani vakaveitacini,+ e sega ni yaga me keitou vola tale yani vei kemuni, ni sa vakavulici kemuni vinaka sara na Kalou moni veilomani.+ 10 Oni dau lomani ira na veitacini kece e Masitonia taucoko. Ia keitou vakamasuti kemuni moni vakayacora ena nomuni vinaka kece, 11 moni saga tale ga moni dau bula veiyaloni,+ moni kua ni siova na ka e sega ni nomuni,+ moni dau cakacaka,+ me vaka keitou a vakarota vei kemuni, 12 me rakorako vei ira e taudaku+ na nomuni ivakarau ni bula, me kua ni dua na ka oni leqa kina.

13 Kena ikuri raveitacini, keitou sega ni vinakata moni lecava* na veika me baleti ira na moce tu, oya o ira na mate,+ moni kua ni rarawa kina me vakataki ira na kena vo ni sega tu na nodra inuinui.+ 14 Ke da vakabauta ni mate qai tucake tale o Jisu,+ na Kalou ena vakayadrati ira tale ga na mate* ena vuku i Jisu,+ qai vakabulai ira mera tomani koya. 15 Qo na ka keitou tukuna vei kemuni me vaka na vosa i Jiova,* ni o keda na bula donuya na gauna ena tiko kina na Turaga eda na sega sara ga ni liu vei ira na mate,* 16 ni na lako sobu mai lomalagi na Turaga qai veivakaroti ena domo ni agilosi turaga,+ kei na biukila ni Kalou, era na qai vakaturi e liu na tisaipeli i Karisito era mate tu.+ 17 Oti ya o keda na bula tiko, eda na qai tomani ira nida kau cake ina o+ meda sota kei na Turaga+ e macawa, eda na qai dau tiko vata kei na Turaga.+ 18 O koya gona, ni veivakacegui tiko ga ena vosa qo.