Aisea
35 Ena reki na vanua talasiga kei na vanua sigasiga,+
Kei na buca dravuisiga ena marau, ena se me vaka na senikau na sefaroni.+
Era na raica na lagilagi i Jiova, na totoka ni noda Kalou.
4 Moni tukuna vei ira na lomaleqa:
“Moni kaukaua. Moni kua ni rere.
Raica! Ena mai veisausaumi na nomuni Kalou
Ena mai vakatauitotogi na Kalou.+
Ena lako mai me vakabulai kemuni.”+
Ena vure mai na wai ena vanua talasiga
Kei na uciwai ena buca dravuisiga.
Ena itikotiko era vakacegu kina na jakoli,*+
Ena tu kina na co drokadroka kei na gasau kei na kuta.
Ena sega ni muria o koya e dukadukali.+
Ena maroroi me nona o koya e muria tiko na sala,
Ena sega ni lako sese kina o koya e sesewa.
9 Ena sega e kea na laione,
Ena sega ni lako kina na manumanu kila daukata.
10 O ira na vakabula o Jiova era na lesu,+ ra qai lako i Saioni ena kaila ni marau.+
Era na vakaisala ena reki tawamudu.+
Ena nodra na reki kei na marau
Na rarawa kei na vutugu ena dro tani yani.+