Maika
Era mokuta na baluna na turaganilewa ni Isireli ena ititoko.+
O rui lailai sara vei ira na veiudolu* e Juta,
Ena lako mai vei iko na iliuliu ena matataki au e Isireli,+
E vu mai liu sara o koya, mai na gauna makawa dina.
3 Ia ena soli ira yani o koya
Me yacova na gauna e vakasucu kina na yalewa taratara.
O ira na vo ni tacina era na qai lesu vei ira na Isireli.
4 Ena tucake o koya me veivakatawai ena kaukaua i Jiova,+
Ena lagilagi ni yaca i Jiova na nona Kalou.
5 Ena kauta mai o koya na vakacegu.+
Ni curuma mai na noda vanua na kai Asiria me butuka na noda valececere vakabai,+
Eda na vakatura e vitu na ivakatawa me ratou valuti koya, io e walu na iliuliu ni kawatamata.
Ena vakabulai keda o koya vei Asiria,+
Ni sikabotea mai na noda vanua me butuka na noda iyalayala.
7 O ira na ivovo ni Jekope era na maliwai ira e levu na lewe ni veivanua
Me vaka na tegu e solia o Jiova,
Me vaka na uca e tauca na co ni vanua
E sega ni vakanuinui vua na tamata
Se waraka na luve ni tamata.
8 O ira na ivovo ni Jekope era na maliwai ira na veimatanitu,
Ena kedra maliwa e levu na lewe ni veivanua,
Me vaka na laione e maliwai ira na manumanu ni veikau,
Me vaka na luvenilaione* e maliwai ira na qelenisipi.
Ni lako yani ena toqova, ena basubasuraka,
Ena sega ni dua me vakabulai ira.
9 Ena dulaki na ligamu vei ira na kemu meca,
Era na vakarusai kece na kemu meca.”
10 “Ena siga oya,” e kaya o Jiova,
“Au na muduki ira tani vei iko na nomu ose, au na vakarusa na nomu qiqinivalu.
11 Au na vakarusa na koro ena nomu vanua,
Au na basuka na nomu veivanua vakabai kece.
12 Au na muduka na nomu vakadraunikau,
Ena sega tale ni vo vei iko e dua na daucakaiba.+
13 Au na vakarusa na nomu ivakatakarakara ceuti kei na nomu duru ni sokalou e tiko vei iko,
O na sega ni cuva tale ina cakacaka ni ligamu.+
15 Ena cudru kei na cudru levu au na totogitaki
Ira na veimatanitu era sega ni talairawarawa.”