Vosa Vakaibalebale

6 Na luvequ, ke o vakadonuya na ivakadei ni nona dinau na wekamu,+

Ke o lululu* kei na vulagi,+

 2 Ke o coriti ena nomu yalayala,

O coko ena vosa ni gusumu,+

 3 Qo na ka mo cakava luvequ mo galala kina

Ni o lutu e ligana na wekamu:

 4 Mo kua ni vakamocera na matamu,

Se me sosovu na dakudaku ni matamu.

 5 Mo vakabulai iko me vaka na kaseli e ligana na dauvakasasa,

Me vaka na manumanuvuka e ligana na daubiri dai ni manumanuvuka.

 6 Mo lako vua na kadi, o iko na vucesa,+

Mo raica matua na nona ivalavala mo vuku kina.

 7 E sega na nona iliuliu, nona vakailesilesi, se nona turaga,

 8 Ia e vakarautaka na kena ena vulaikatakata,+

E kumuna na kena ena gauna ni tatamusuki.

10 Me vakalailai na moce, me vakalailai na sosovu,

Me vakalailai na roqoliga ni o vakacegu,+

11 Ena qai lako mai na nomu dravudravua me vaka na daubutako,

Kei na nomu viakana me vaka na tamata vakaiyaragi.+

12 Na tamata macawa, na tamata ca, e nona ivakarau na vosa veve,+

13 E bobomataidua,+ e sikinala e yavana, e yavalata na iqaqaloniligana.

14 E ca na lomana,

E nakita tiko ga na ka ca+ qai dau vakavuveiba.+

15 Oya na vuna ena yacovi koya vakasauri na ka rarawa,

Ena vakasauri ga na nona musuki, ena sega ni vakabulai.+

16 E ono na ka e cata o Jiova,

Io, e vitu na ka e sevaka o koya:

17 Na mata viavialevu,+ na yame daulasu,+ na liga e vakadavea na nodra dra na sega ni cala,+

18 Na yalo e nakita na ka ca,+ na yava e ciciva totolo na ca,

19 Na ivakadinadina lasu e tukuna na ka lasu,+

Kei koya e vakavuveiba vei ira na wekana.+

20 Na luvequ, mo muria na ivakaro nei tamamu,

Mo kua ni vakanadakuya na ivakasala* nei tinamu.+

21 Mo vauca tiko ga e lomamu,

Mo vesuka e domomu.

22 Ni o veilakoyaki ena tuberi iko,

Ni o davo sobu ena duri me yadravi iko,

Ni o yadra mai ena vosa vei iko.*

23 Ni cina na ivakaro,+

E rarama na lawa,+

E sala ni bula na ivunau ni veivakavulici.+

24 Ena taqomaki iko vua na yalewa ca,+

Kei na yamena veicavilaki na yalewa ivalavala dukadukali.*+

25 Mo kua ni domona e lomamu na kena rairai totoka+

Me kua ni rawai iko na serau ni yalokanimatana,

26 Ena vuku ni saqamua ena kena wale ga na tagane e dua na ibuli madrai,+

Ia na watina e dua tale na tagane e saga me corita na bula talei.

29 E vaka kina o koya e veiyacovi kei na wati wekana,

Ena totogitaki sara ga o koya e tarai koya.+

30 E sega ni dua e cata na daubutako

Ke butako me mamau kina ni viakana.

31 Ia ni kune, ena sauma vakavitu,

Ena solia na iyau kece ena nona vale.+

32 O koya e veibutakoci kei na dua na yalewa e yalowai,

O koya e vakayacora qori e vakaleqai koya ga.+

33 Ena vakamavoataki koya ga, ena beci,+

Ena sega ni oti na nona madua.+

34 Na vuvu e cudru kina na tagane vakawati,

Ena sega ni loloma ni veisausaumi.+

35 Ena sega ni vakadonuya me saumi,*

Ena sega ni yalorawarawa se mani vakacava na levu ni iloloma o solia.