Aisea
61 E sobuti au na yalo ni Turaga Cecere Duadua o Jiova,+
Ni lumuti au o Jiova meu tukuna na itukutuku vinaka vei ira na yalomalumalumu.+
E talai au meu vakabulai ira na vusolo na lomadra,
Meu tukuna na veisereki vei ira na bobula
Me tadola vakalevu na matadra na kaivesu,+
2 Meu tukuna na yabaki vinaka* i Jiova
Kei na siga ni veisausaumi ni noda Kalou,+
Meu vakacegui ira kece na tagi,+
3 Meu tokoni ira na tagicaki Saioni,
Meu solia vei ira na isala me isosomi ni dravusa,
Na waiwai ni marau me isosomi ni tagi,
Na isulu ni veivakacaucautaki me isosomi ni yalolailai.
Era na vakatokai mera vunikau lelevu ni ivalavala dodonu,
E tea o Jiova me vakalagilagi kina o koya.+
4 Era na tara tale na vanua sa rusa dede tu,
Era na vakaduria na vanua sa vakacacani makawa tu,+
Era na vakavoutaka tale na koro sa rusa tu,+
Na vanua sa lala dede tu ena veitabatamata.+
5 “Era na mai tiko na vulagi mera vakatawa na nomuni qelenisipi,
Kei ira na kaitani+ mera nomuni dauteitei, mera samaka na nomuni vaini.+
6 Ia o kemuni oni na vakatokai moni bete i Jiova,+
Era na vakatokai kemuni moni italatala ni noda Kalou.
7 Ena vakaruataki na nomuni ivotavota me isosomi ni madua,
Era na marautaka na nodra ivotavota me isosomi ni matavelavela.
Io era na taukena e rua na ivotavota ena nodra vanua.+
Ena nodra na marau tawamudu.+
Au na yalodina ni solia na kedra isau,
Au na veiyalayalati kei ira ena veiyalayalati tawamudu.+
O ira kece na raici ira era na kilai ira,
Nira kawa e vakalougatataka o Jiova.”+
10 Au na rekitaki Jiova vakalevu.
Na yaloqu taucoko ena marautaka na noqu Kalou.+