Lako Yani
15 Ena gauna oya, sa qai lagata vei Jiova na sere qo o Mosese kei ira na Isireli:+
“Meu sere vei Jiova, ni sa vakacerecerei vakalevu o koya.+
“Na ose kei koya e vodoka sa kolotaka i wasawasa.+
2 Na noqu kaukaua kei na qaqa o Ja,* ni sa yaco me noqu ivakabula o koya.+
“Qo na noqu Kalou, au na vakacaucautaki koya,+ na Kalou i tamaqu,+ au na vakalevulevui koya.+
3 O Jiova na dauvala qaqa.+ O Jiova na yacana.+
4 Na qiqi i Fero kei na nona mataivalu e kolotaka o koya i wasawasa,+
“Na nona tamataivalu nuitaki duadua era dromu ena Wasa Damudamu.+
5 E luvuci ira na wai voravora, era dromu i sauloa vaka na vatu.+
6 Na ligamuni imatau, i Jiova, e cecere ena kaukaua,+
“Na ligamuni imatau, i Jiova, e rawa ni vorolaka na meca.
7 Ena levu ni nomuni lagilagi oni rawa ni kolotaki ira sobu na via vorati kemuni,+
“Oni tala yani na nomuni cudru waqawaqa, e yameci ira vaka na vunicovuata.
8 Ena dua ga na icegu ni ucumuni, e bini vata mai kina na wai,
“Era tu vakadua nira tarova tu na waluvu,
“E cevata na wai voravora ena loma ni wasawasa.
9 E kaya na meca: ‘Au na cemuria! Au na toboka!
“Au na wasea na itokinivalu me yacova ni sa cegu na lomaqu!
“Au na ucuna mai na noqu iseleiwau! Na ligaqu ena vakamalumalumutaki ira!’+
10 Oni uvuca ena nomuni icegu, e ubi ira na wasawasa,+
“Era lutudromu sara me vaka na uma ena wai lagilagi.
11 O cei vei ira na kalou e vakataki kemuni, i Jiova?+
“O cei e vakataki kemuni, ni oni vakaraitaka na cecere ni nomuni savasava?+
“O koya me dokai ena sere ni veivakacaucautaki, o koya e veivakurabuitaki na nona cakacaka.+
12 Oni dodoka yani na ligamuni imatau, e tilomi ira na qele.+
13 Ni dei tu ga na nomuni loloma, oni tuberi ira kina na tamata oni a vakabula,+
“Ena nomuni kaukaua, oni na tuberi ira ina nomuni itikotiko tabu.
15 Ena gauna oya era na domobula na turaga* kei Itomi,
“Era na yalolailai kece na lewe i Kenani.+
16 Ena bikai ira na rere kei na domobula.+
“Ni cecere na ligamuni, era na sega ni yavala me vaka na vatu
“Mera tavali mada na nomuni tamata, i Jiova,
17 Oni na kauti ira mai, qai teivaki ira ena ulunivanua ni nomuni ivotavota,+
“Ena vanua tudei oni vakarautaka tu me nomuni itikotiko i Jiova,
“E dua na vanua tabu, i Jiova, e tauyavutaka na ligamuni.
18 Ena veiliutaki vakatui o Jiova me tawamudu, io me tawamudu.+
19 Nira lako yani i loma ni wasawasa+ na ose nei Fero, na nona qiqinivalu, kei na nona sotia dauvodo ose,
“E qai vakasuka na wai ni wasawasa o Jiova me luvuci ira,+
“Ia o ira na lewe i Isireli era taubale ena qele mamaca e loma ni wasawasa.”+
20 E qai taura e ligana na tibereli o Miriama na parofita yalewa, na ganei Eroni, era muri koya kece na yalewa nira qiri tibereli ra qai meke. 21 E lagata lesu vei ira na tagane o Miriama:
““Sere vei Jiova, ni sa vakacerecerei vakalevu o koya.+
“Na ose kei koya e vodoka sa kolotaka i wasawasa.”+
22 E qai liutaki ira na Isireli o Mosese mera biubiu mai na Wasa Damudamu, mera lako yani ina vanua talasiga e Suri, e siga tolu na nodra lako voli ena vanua talasiga, ia era sega ni kunea na wai. 23 Era yaco sara i Mara,*+ ia era sega ni gunuva rawa na wai e Mara, ni gaga. Oya na vuna e vakatoka kina o koya me o Mara. 24 Era tekivu vosakudrukudrutaki Mosese na tamata,+ era kaya: “Na cava me keimami gunuva?” 25 E mani tagi vei Jiova o Mosese,+ e qai dusimaka vua o Jiova e dua na vunikau. Ni viritaka i wai o Mosese, sa qai kamikamica na wai.
E bulia sara e kea na Kalou na ivakaro kei na yavu mera lewai kina, e qai vakatovolei ira e kea o koya.+ 26 E kaya: “Ke o vakarorogo vinaka ina domo i Jiova na nomu Kalou, mo cakava na ka e dodonu e matana, o qai kauaitaka na nona ivakaro,+ o muria tale ga na nona lawa kece, au na sega ni vakatauva vei kemuni na mate au vakatauva vei ira na kai Ijipita,+ ni o yau o Jiova, au vakabulai iko tiko.”+
27 Oti oya era yaco i Elimi, na vanua e tu kina e 12 na vure kei na 70 na vu ni niuniu. Era mani keba e kea volekata na wai.