iMatai ni Veigauna

7 Qo o iratou na tagane na luvei Isakari o Tola, o Pua, o Jasupi, kei Simironi,+ eratou le va. 2 O ratou na tagane na luvei Tola o Usai, o Rifaya, o Jireli, o Jamei, o Ipisami, kei Simueli, eratou turaga ni mataqali i tamadratou. Era tamata qaqa na kawa nei Tola, na kedra iwiliwili ena gauna i Tevita e 22,600. 3 O ira na kawa* nei Usai o Isiraia, kei ratou na tagane na luvei Isiraia: o Maikeli, o Opetaia, o Joeli, o Aseia, eratou turaga kece na le lima qo. 4 Na nodra kawa era tiko vata kei ira me vaka na mataqali i tamadra, era le 36,000 na sotia era lewe ni nodra mataivalu era vakarau ena ivalu ni levu na watidra kei na luvedra. 5 O ira na tacidra ena mataqali kece nei Isakari era tamata qaqa, e le 87,000 era volai ena itukutuku ni nodra iyatukawa.+

6 O ratou na tagane na luvei Penijamini+ o Pela,+ o Pekeri,+ kei Jitieli,+ eratou le tolu. 7 O ratou na tagane na luvei Pela o Esipini, o Usai, o Usieli, o Jirimoci, kei Irei, eratou le lima, eratou turaga ni mataqali nei tamadratou, eratou tamata qaqa, e 22,034 era volai ena itukutuku ni nodra iyatukawa.+ 8 O ratou na tagane na luvei Pekeri o Simira, o Joasi, o Eliesa, o Elioenai, o Omirai, o Jirimoce, o Apaija, o Anacoci, kei Alemeci, qo kece o ratou na luvei Pekeri. 9 Na nodra kawa e volai ena itukutuku ni nodra iyatukawa e 20,200 me vaka na turaga ni mataqali i tamadra, era tamata qaqa. 10 Na tagane na luvei Jitieli+ o Pilani, o ratou na tagane na luvei Pilani: o Jiusi, o Penijamini, o Eute, o Kinana, o Secani, o Tasisi, kei Eisari. 11 Qo kece na tagane era luvei Jitieli, me vaka na turaga ni mataqali i tukadra, e le 17,200 na tamata qaqa era vakarau lako ina ivalu.

12 O ira na Supimi kei ira na Upimi era luvei Iri,+ o ira na Usimi era luvei Aeri.

13 O ira na tagane na luvei Nafitalai+ o Jaseali, o Kuni, o Jeseri, kei Salumi, eratou kawa* nei Pila.+

14 Na luvei Manasa:+ o Esirieli, e luvena vua na watina lailai mai Siria. (E vakasucumi Mekiri+ tale ga na tamai Kiliati. 15 E kauta e rua na yalewa o Mekiri me watidrau o Upimi kei Supimi, na yaca i ganena o Meaka.) Na yaca ni kena ikarua o Silofati,+ ia o Silofati e vakaluveni yalewa ga.+ 16 E qai vakasucu o Meaka na wati Mekiri, e dua na luvena tagane e vakayacana me o Peresi, na yaca i tacina o Siresi, o rau na luvena tagane o Ulami kei Rekemi. 17 Na luvei Ulami o Pitani. Qo o ira na luvei Kiliati na luvei Mekiri na luvei Manasa. 18 Na ganena o Molekeci. E vakasucumi Isoti, Epieseri, kei Mala. 19 O ratou na tagane na luvei Simita o Eani, o Sikemi, o Liki, kei Enami.

20 Na tagane na luvei Ifireimi+ o Sucela,+ o Pereti na luvena tagane, o Teaci na luvena tagane, o Elata na luvena tagane, o Teaci na luvena tagane, 21 o Sapati na luvena tagane, o Sucela na luvena tagane, o Esa, kei Elati. Era vakamatei ratou na lewe i Kaca+ era sucu ena vanua ni ratou lako sobu me ratou kauta na nodra manumanu. 22 E tagicaki ratou o Ifireimi na tamadratou me vica vata na siga, era lako yani na tacina mera vakacegui koya. 23 Oti e veiyacovi kei watina, e bukete qai vakasucuma e dua na luvena tagane. E vakayacani koya me o Piria,* ni yacovi koya na leqa ni tiko ena nona vale. 24 Na luvena yalewa o Seira, e tarai Pecioroni e Ra,+ o Pecioroni e Cake,+ kei Useni-seira. 25 Na luvena tagane o Refa, o Resefi, o Tela na luvena tagane, o Teani na luvena tagane, 26 o Latana na luvena tagane, o Amiute na luvena tagane, o Ilisama na luvena tagane, 27 o Nuni na luvena tagane, kei Josua*+ na luvena tagane.

28 Na nodra ivotavota kei na nodra itikotiko o Peceli+ kei na kena tauni lalai,* ena tokalau o Nerani, ena ra o Keseri kei na kena tauni lalai, o Sikemi kei na kena tauni lalai me yaco sara i Aiya* kei na kena tauni lalai, 29 ia volekati ira na kawa i Manasa o Pecisiani+ kei na kena tauni lalai, o Tenaki+ kei na kena tauni lalai, o Mekito+ kei na kena tauni lalai, o Doa+ kei na kena tauni lalai. Era tiko kina na kawa nei Josefa na luvei Isireli.

30 O ratou na tagane na luvei Aseri o Imina, o Isiva, o Isivi, o Piria,+ kei na ganedratou o Sara.+ 31 O rau na tagane na luvei Piria o Eperi kei Malikeli na tamai Piriseci. 32 O Eperi e tamai Jafileti, Someri, Ocami, kei Sua na ganedratou. 33 O ratou na tagane na luvei Jafileti o Pasaki, o Pimali, kei Asivaci. Qo o ratou na luvei Jafileti. 34 O ratou na tagane na luvei Semeri* o Ei, o Roka, o Jiopa, kei Arame. 35 O ratou na tagane na luvei Elimi* na tacina, o Sofa, o Imina, o Selesi, kei Amali. 36 O ratou na tagane na luvei Sofa o Suwa, o Arineferi, o Suali, o Beri, o Imira, 37 o Peseri, o Oti, o Sama, o Silisa, o Icirani, kei Peira. 38 O ratou na tagane na luvei Jica o Jifune, o Pisipa, kei Ara. 39 O ratou na tagane na luvei Ula o Era, o Anieli, kei Risaia. 40 Qo kece o ira na luvei Aseri, era turaga ni mataqali i tamadra, era digitaki, era tamata qaqa, era liu vei ira na turaga, na kedra iwiliwili e volai ena itukutuku ni nodra iyatukawa+ e 26,000 na tamata+ era lewe ni mataivalu mera vala.