Tiko Voli Mai na Lekutu
23 E qai tukuna o Pelami vei Pelaki: “Tara eke e vitu na icabocabonisoro,+ vakarautaka vei au e vitu na bulumakau tagane, kei na vitu na tamanisipi.” 2 E cakava sara o Pelaki na ka e tukuna o Pelami. E qai cabora o Pelaki kei Pelami e dua na bulumakau tagane kei na dua na tamanisipi ena icabocabonisoro yadua.+ 3 E qai kaya o Pelami vei Pelaki: “Tu ga eke ena yasa ni nomu isoro kama, au na lako mada. De na veitaratara mai vei au o Jiova. Na ka ga e vakatakila vei au, au na kaya vei iko.” E mani lako o koya ina dua na delana lala.
4 E qai veitaratara kei Pelami na Kalou,+ e tukuna vua o Pelami: “Au vakarautaka e vitu na icabocabonisoro mera yatuni tu, au qai cabora e dua na bulumakau tagane kei na dua na tamanisipi ena icabocabonisoro yadua.” 5 E qai biuta na vosa qo o Jiova ena gusu i Pelami:+ “Lesu vei Pelaki, qo na ka mo kaya.” 6 E mani suka o koya qai raica ni duri tu ena yasa ni nona isoro kama o Pelaki kei ira kece na turaga ni Moapi. 7 E cavuta sara o koya na vosa vakaibalebale qo:+
“Sa kauti au mai Arame+ o Pelaki na tui Moapi,
Mai na veiulunivanua ena tokalau:
‘Mai cudruvi Jekope mada ena vukuqu.
Io, mai vosabeci Isireli mada.’+
8 Meu cudruva vakacava na tamata e sega ni cudruva na Kalou?
Meu vosabeca vakacava na tamata e sega ni vosabeca o Jiova?+
9 Mai na dela ni veivatu au raici ira,
Au raici ira tale ga mai na veidelana.
Era tiko vakataki ira e kea me vaka e dua na matatamata,+
Era sega ni wiliki ira ena kedra maliwa na veimatanitu.+
10 O cei e wilika rawa na kuvuniqele i Jekope,+
Se wilika mada ga e dua na ikava kei Isireli?
Laivi au meu mate vakataki ira na yalododonu,
Qai laiva me vakataki ira ga na kequ icavacava.”
11 E kaya sara vei Pelami o Pelaki: “Na cava o sa cakava vei au? Au kauti iko mai mo cudruvi ira na kequ meca, ia qo e sega ni dua tale na ka o cakava, o sa vosa vakalougatataki ira ga.”+ 12 Mani kaya o koya: “Meu sa kua ni cavuta na vosa cava ga e biuta e gusuqu o Jiova?”+
13 E kaya vua o Pelaki: “Yalovinaka, daru lako mada ina dua tale na yasana mo raici ira kina. O na raica ga e dua na kedra iwase, o na sega ni raici ira kece. Mo cudruvi ira mai kea ena vukuqu.”+ 14 E kauti koya sara ena veidelana e Sofimi, ena dela i Pisika,+ e cakava e vitu na icabocabonisoro qai cabora e dua na bulumakau tagane kei na tamanisipi ena icabocabonisoro yadua.+ 15 E mani kaya o Pelami vei Pelaki: “Tu ga eke ena yasa ni nomu isoro kama, meu lai veitaratara mada kei koya e kea.” 16 E veitaratara sara o Jiova vei Pelami qai biuta e gusuna na vosa qo:+ “Lesu vei Pelaki, qo na ka mo tukuna.” 17 E lako yani vua qai raica ni wawa tiko o koya ena yasa ni nona isoro kama, ra qai tu kei koya na turaga ni Moapi. E taroga vua o Pelaki: “Na cava sa tukuna o Jiova?” 18 E qai cavuta o koya na vosa vakaibalebale qo ni kaya:+
“Duri mai Pelaki, qai vakarorogo.
Rogoci au mada, luvei Sipori.
Ni kaya e dua na ka o koya, ena sega ni cakava?
Ni sa vosa o koya, ena sega ni vakayacora?+
20 Raica! Au a kau mai meu vosavakalougatataka,
Qo e sa vakalougatataka o koya,+ au qai sega ni veisautaka rawa.+
21 E sega ni vakalaiva o koya e dua na kaukaua vuni me saqati Jekope,
Qai sega ni vakatara o koya me vakaleqai Isireli e dua na ka.
O Jiova na nona Kalou e tiko vata kei ira,+
Qai kacivaki vakadomoilevu ni tui o koya ena kedra maliwa.
22 Na Kalou e kauti ira tani mai Ijipita.+
O koya e vaka na ileu ni bulumakau tagane kila vei ira.+
23 Ni sega ni tu e dua na itukutuku vuni ni na vakaleqai o Jekope,+
Se me dua e vakatevorotaki Isireli.+
Ena gauna qo ena rawa ni tukuni me baleti Jekope kei Isireli:
‘Raica na ka sa cakava na Kalou!’
24 Qo e dua na matatamata ena duri mai me vaka na laione,
Qai vaka na laione ena vakaduri koya ga.+
Ena sega ni davo me yacova ni sa kania na kena
Qai gunuva na kedra dra na vakamatei.”
25 E qai kaya vei Pelami o Pelaki: “Ena dua na yasana, ke o sega ni rawa ni cudruvi koya, mo kua tale ga ni vosa vakalougatataki koya.” 26 E kaya vei Pelaki o Pelami: “Au a sega ni kaya vei iko, ‘Au na cakava na ka kece ga e tukuna o Jiova’?”+
27 E kaya vei Pelami o Pelaki: “Yalovinaka lako mai meu kauti iko ina dua tale na vanua. De na qai donu ena mata ni Kalou dina mo cudruvi koya mai kea ena vukuqu.”+ 28 E mani kauti Pelami o Pelaki ina dela i Piori, e qara yani i Jesimoni.*+ 29 E qai tukuna vei Pelaki o Pelami: “Tara mada eke e vitu na icabocabonisoro, qai vakarautaka vei au e vitu na bulumakau tagane, vitu tale ga na tamanisipi.”+ 30 E cakava sara o Pelaki me vaka ga e tukuna o Pelami, e qai cabora ena icabocabonisoro yadua e dua na bulumakau tagane kei na dua na tamanisipi.