Emosi
2 “Qo na ka e tukuna o Jiova,
‘“E talaidredre* vakatolu o Moapi,+ io na kena ikava au na sega ni vakasuka,
Ni vakama o koya na sui nei tui Itomi me lase.
2 Au na tala gona na bukawaqa i Moapi,
Ena yameca na valececere vakabai nei Kirioci,+
Ena mate o Moapi ena ue,
3 Au na kauta tani mai kina na turaganilewa,
Au na vakamatei koya kei ira kece na nona turaga,”+ e kaya o Jiova.’
4 Qo na ka e tukuna o Jiova,
‘E talaidredre vakatolu o Juta,+ io na kena ikava au na sega ni vakasuka,
Nira beca na lawa* i Jiova,
Era sega ni muria na nona ivakaro,+
E vakacalai ira na lasu vata ga era muria na tukadra.+
6 Qo na ka e tukuna o Jiova,
‘E talaidredre vakatolu o Isireli,+ io na kena ikava au na sega ni vakasuka,
Nira volitaka na tamata yalododonu ena siliva,
Kei na dravudravua ena rua na ivava.+
Erau mocera e dua vata ga na yalewa na veitamani,
Me rogorogo ca kina na yacaqu tabu.
8 Era davoca na isulu era taura me ivakadei ni dinau+ ena yasa ni icabocabonisoro kece,+
Kei na waini era gunuva ena vale* ni nodra kalou e kau mai vei ira era totogitaka.’
9 ‘Ia o yau ga au vakawabokotaka na Amoraiti e matadra,+
O koya e balavu me vaka na sitari, e kaukaua me vaka na vunioki,
Au vakarusa na vuana e cake kei na wakana e ra.+
10 Au kauti kemuni cake mai na vanua o Ijipita,+
Au liutaki kemuni ena vanua talasiga me 40 na yabaki,+
Moni taukena na nodra vanua na Amoraiti.
E dina qori, kemuni na Isireli?’ e kaya o Jiova.
12 ‘Ia oni solia tiko ga na waini vei ira na Nasaraiti mera gunuva,+
Oni vakaroti ira na parofita: “Moni kua ni parofisai.”+
13 Au na qaqi kemuni gona ena nomuni vanua,
Me vaka na qiqi e sinai ena covuata tamusuki ni qaqia na ka e tu e rukuna.
14 O koya e totolo ena sega na vanua me dro kina,+
O koya e kaukaua ena vakayalia na nona kaukaua,
Na tamata qaqa ena sega ni vakabulai koya rawa.
15 Ena sega ni duri rawa o koya e taura na dakaititi,
Na yava totolo ena sega ni dro rawa,
Kei na dauvodo ose ena sega ni vakabulai koya rawa.
16 O koya mada ga e yaloqaqa sara vei ira na tamata qaqa
Ena dro luvawale ena siga oya,’+ e kaya o Jiova.”