Jeremaia
2 E vosa vei au o Jiova, e kaya: 2 “Mo lai tukuna e daliga i Jerusalemi, ‘Qo na ka e kaya o Jiova:
“Au nanuma vinaka na nomu yalodina* ni o se gone,+
Na loloma o vakaraitaka ni o musuki mo vakawati,+
Ni o muri au ena vanua talasiga,
Na vanua e sega ni kaburaki kina na sorenikau.+
3 E savasava vei Jiova o Isireli,+ na isevu ni nona vuata.”’
‘O koya e vakacacani koya ena cala.
Ena yacovi ira na ca,’ e kaya o Jiova.”+
4 Moni rogoca na vosa i Jiova, na vuvale i Jekope,
Kei kemuni na veivuvale kece ni Isireli.
5 Qo na ka e kaya o Jiova:
“Na cala cava era raica vei au na tukamuni,+
Mera yawaki au kina,
6 Era sega ni taroga, ‘I vei o Jiova,
O koya e kauti keda tani mai na vanua o Ijipita,+
E tuberi keda ena loma ni vanua talasiga,
Ena loma ni vanua dravuisiga+ kei na qara,
Ena vanua e sega kina na wai+ kei na butobuto loaloa,
Na vanua e sega ni lakova na tamata
E sega ni dua e tiko kina?’
7 Au kauti kemuni ina vanua ni loga ni kauvuata,
Moni kania na vuana kei na kena ka vinaka.+
Ia oni curu kina oni qai vakadukadukalitaka na noqu vanua,
Oni vukica na noqu ivotavota me ka vakasevaki.+
8 Era sega ni taroga na bete, ‘I vei o Jiova?’+
O ira na vakavulica na Lawa era sega ni kilai au,
O ira na ivakatawa era talaidredre vei au,+
O ira na parofita era parofisai ena yaca i Peali,+
Era muria na ka tawayaga.
9 ‘O koya gona, au na saqati kemuni tale,’+ e kaya o Jiova,
‘Au na saqati ira tale ga na luvedra na luvemuni.’
10 ‘Ia moni lako mada ina baravi* o Kitimi+ moni raica.
Io, moni talatala i Kitari+ moni vakasamataka vinaka,
Moni raica se yaco kina e dua na ka va qo.
11 E bau dua na matanitu e sosomitaka na kena kalou ena ka e sega ni kalou?
Ia o ira na noqu tamata era sosomitaka na noqu lagilagi ena ka tawayaga.+
12 Moni vakararai ena kidroa, o kemuni na lomalagi,
Moni sokonu ena domobula,’ e kaya o Jiova,
13 ‘Nira cakava na noqu tamata e rua na ka ca:
Era biuti au, na ivurevure ni wai bula,+
Era kelia* ga na nodra mataniwai,
Na mataniwai qaraqara e sega ni maroroya rawa na wai.’
14 ‘Vakaevei e dua na dauveiqaravi o Isireli, se dua na bobula e sucu ena vuvale?
Na cava ga e soli kina me kovei?
Era vukica na nona vanua me domobulataki.
E vakamai na nona koro me kua ni dua e tiko kina.
16 O ira na lewe i Nofi*+ kei Tapenesi+ era kania na buradelamu.
19 Me vakavulici iko na nomu ca,
Me vunauci iko na nomu sega ni yalodina.
Mo liaca, mo kila na ca kei na kena gaga+
Mo biuti Jiova na nomu Kalou,
O vakaraitaka ni o sega ni dokai au,’+ e kaya na Turaga Cecere Duadua o Jiova ni lewe vuqa.*
20 ‘Ena gauna makawa au musuka na kemu ivua,+
Au drutia na kemu ivesu.
Ia o kaya: “Au na sega ni qaravi kemuni,”
Ena veidelana cecere kei na ruku ni vunikau bulabula+
O davo vakatadraicake, mo vakasaqamuataki iko.+
21 Au a tei iko me vaka e dua na vunivaini damudamu totoka,+ na sorenikau vinaka,
O qai veisau vakacava mo tabanivaini ca ni vaini duatani e mataqu?’+
22 ‘Ke o savui ena sota ni savasava o qai vakayagataka vakalevu na sovu,
Ena tu ga e mataqu na nomu cala,’+ e kaya na Turaga Cecere Duadua o Jiova.
23 O qai kaya vakacava, ‘Au sega ni dukadukali.
Au sega ni muri ira na Peali’?
Mo raica na nomu ivalavala ena buca.
Mo vakasamataka na ka o vakayacora.
O vaka e dua na luvenikameli yalewa totolo,
E veiciciyaki vakaveitalia ena nona sala,
24 Na asa kila e matau ena vanua talasiga,
E boica na cagi ni gagano voli.
O cei me tarova ni sa via veiyacovi?
O ira na qarai koya tiko era na sega ni oca.
Era na raici koya ena kena gauna.*
25 Qarauna na yavamu me vakaivava
Kei na nomu itilotilo me kua ni viagunu.
Ia o kaya, ‘E tawayaga!+
26 Me vaka na madua ni daubutako ni sa tobo,
E madua vaka kina na vuvale ni Isireli,
O ira, na nodra tui, kei na nodra turaga,
Na nodra bete kei na nodra parofita.+
27 Era kaya ina vunikau, ‘O iko na tamaqu,’+
Ina vatu, ‘O vakasucumi au.’
Ia vei au, era vuki vakanadaku, era sega ni vakanamata mai.+
Ena gauna era rarawa kina era na kaya,
‘Moni tucake moni vakabulai keimami!’+
28 I vei na nomuni kalou oni bulia me nomuni?+
Mera tucake ke rawa nira vakabulai kemuni ena gauna ni nomuni rarawa,
Ni levu na nomuni kalou me vaka na levu ni nomuni koro, Juta.+
29 ‘Na cava oni saqati au tiko ga kina?
Na cava oni beci au kece kina?’+ e kaya o Jiova.
30 E sega ni yaga noqu mokuti ira na luvemuni.+
Era sega ni vuli rawa,+
Na nomuni iseleiwau ga e kani ira na nomuni parofita,+
Me vaka na laione dauveivakamatei.
31 Kemuni na itabatamata, moni vakasamataka na vosa i Jiova.
Vakaevei, au vaka na vanua talasiga vei ira na Isireli
Se na vanua butobuto loaloa?
Na cava era tukuna kina na noqu tamata, ‘Keimami veilakoyaki ena galala.
Keimami na sega ni lako tale yani vei kemuni’?+
32 Vakaevei, ena guilecava na goneyalewa na nona iukuuku,
Na yalewavou na nona ioro?*
Ia o ira noqu tamata era guilecavi au ena veisiga e sega ni wili rawa.+
33 O matai dina ena qarai ira mo domona, o iko na yalewa!
O vulica na nodra ivalavala na tamata ca.+
34 E takava na nomu isulu na nodra dra na sega ni cala, era dravudravua,+
Au sega ni raica na nodra basu vale,
Ia e tu ena nomu isulu kece.+
35 Ia o kaya, ‘Au sega ni cala.
Sa vakasuka tani ga vei au na nona cudru.’
Ia qo au na veilewaitaki iko
Ni o kaya, ‘Au sega ni cala.’
36 Na cava o vakawalena kina na yamekemeke ni nomu ivalavala?
37 Ena vuku tale ga ni tikina qo, o na lako yani ni toka e ulumu na ligamu,+
Ni o Jiova e cati ira o vakanuinui kina,
Ena sega ni yaga vei iko na nodra veitokoni.”