Same

34 Au na vakacaucau vei Jiova e veigauna,

Na nona vakacaucautaki ena tu ga ena tebenigusuqu.

 2 Au na sakitaki Jiova,+

Era na rogoca na yalomalua ra qai marau vakalevu.

 3 Mai tomani au ena vakalagilagi Jiova,+

Meda vakacerecerea vata na yacana.

 5 O ira na rai vua era serau mai,

Na matadra e sega ni vakamadualaki rawa.

 7 Na agilosi i Jiova e keba wavoliti ira na rerevaki koya tiko,+

Qai dau vakabulai ira.+

 8 Tovolea mada qai raica ni vinaka o Jiova,+

E marau na tamata e vakaruru vua.

 9 Ni rerevaki Jiova o kemuni kece na nona yalosavasava,

Ni o ira na rerevaki koya, era sega ni leqa ena dua na ka.+

10 Na luvenilaione kaukaua mada ga era sa walokai,

Ia o ira na vaqarai Jiova, era na sega ni leqa ena ka vinaka.+

11 Ni lako mai na luvequ, ni rogoci au,

Au na vakavulici kemuni moni rerevaki Jiova.+

12 O cei vei kemuni e dau marautaka na bula

Qai via raica e levu na siga vinaka?+

13 Qarauna na yamemu mai na ca,+

Na tebenigusumu mai na vosa veidabui.+

14 Gole tani mai na ka ca qai cakava na ka vinaka,+

Qara na veiyaloni qai gumatua sara kina.+

15 Na mata i Jiova sa dei tu ga vei ira na yalododonu,+

Na daligana tale ga e rogoca na nodra tagi ni kere veivuke.+

16 Ia na mata i Jiova e saqati ira na daucaka ca,

Me bokoca laivi na kedra ivakananumi kece mai vuravura.+

17 Era tagi yani qai rogoca o Jiova,+

E vakabulai ira mai na nodra leqa kece.+

18 E voleka o Jiova vei ira sa ramusu na lomadra,+

E vakabulai ira sa dasila na yalodra.*+

19 E levu na dredre* e vakila na yalododonu,+

Ia o Jiova e vakabulai koya mai na ka kece qori.+

20 E yadrava tiko na nona sui kece,

E sega ni dua e musuki.+

21 Na leqa tubukoso ena vakamatea na daucaka ca,

Ena totogitaki o ira na cati koya na yalododonu.

22 O Jiova e volia lesu na nodra bula na nona dauveiqaravi,

Ena sega ni totogitaki o ira na vakaruru vua.+